I Ravi Shankar (Bengali: রবি শংকর; mibait Robindro Shaunkor Chowdhury, 7 Abril 1920 – 11 Diciembre 2012), a maralas dang awsan king kayang titulung Pandit, metung yang Indianung musikeru ampong kompositor a titigtig king sitar, metung a instrumentung kakalbitan kwerdas.
Sasabyan dang ya ing pikabalwab diling musikerong Indianu king salukuyan.
Ravi Shankar | |
Titigtig ya i Shankar king Delhi anyang Marzo 2009 | |
Background information | |
---|---|
Lagyu pangabait | Robindro Shaunkor Chowdhury |
Mibait | 07 Abril 1920 Varanasi, United Provinces, Indian Empire |
Mete | 11 Disiembri 2012 (maki edad a 92) San Diego, California, United States |
Tinduk ning tigtig (Genre) | Hindustani classical music |
Kapanintunan | kompositor, musikeru |
Instrumentu | sitar |
Banwa nung kapilan aktibu | 1939–2012 |
Marka ning talaplaka | East Meets West Music |
Palageng makaugne | Uday Shankar, Allauddin Khan, Ali Akbar Khan, Lakshmi Shankar, Yehudi Menuhin, Chatur Lal, Alla Rakha, George Harrison, Anoushka Shankar, Norah Jones, The Beatles, John Coltrane |
Karinan-Aptas (Website) | RaviShankar.org |
Mibait ya i Shankar king Varanasi, at anyang kayang kayanakan, miglakbe ya king Europa ampong India kayabe ya ing grupung talaterak ning kapatad nang lalaking i Uday Shankar. Tinuknang yang teterak anyang 1938 ba yang manigaral king pamanigtig sitar, at tinigtig ya antimong kasaup ning musikerong pang-korting i Allauddin Khan. Kayari ning kayang pamagaral anyang 1944, megobra ya i Shankar antimong kompositor, at lelangan na ing musika para king Apu Trilogy nang Satyajit Ray, at ya ing direktor king musika ning All India Radio, New Delhi, manibat 1949 anggang 1956.
Anyang 1956, miglakbe ya king Europa ampo reng America a titigtig king musikang klasikung Indianu (Indian classical music) at pepasikat ne iti karin anyang dekadang 1960 kapamilatan ning pamanuru, pamanigtig, ampo king kayang pamiugnayan king biolinistang i Yehudi Menuhin ampo ing musikerung rock i George Harrison ning The Beatles. Miugne ya i Shankar king musika ning Albugan kapamilatan ning pamanyulat concerti para king for sitar ampo king orkesta, at mig-tour ya king yatu anyang dekadang 1970 ampong 1980. Manibat 1986 anggang 1992, migsilbi ya antimong menominang kayanib ning matas nang kapulungan ning Parlamentu ning India. Mibye ya kang Shankar ing pekamatas nang galal a sibilyan ning India, ing Bharat Ratna, anyang 1999, at tinanggapp yang atlung Grammy Award. Sindu na ing pamanigtig king publiku kaybat ning banwang 2000, maralas kayabe ya ing kayang mas anak a anak a babai, i Anoushka.
Dagdagan mu ing balu mu tungkul kang/king Ravi Shankar kareng kapatad nang proyektu ning Wikipedia: | |
Larawan ampong media ibat king Commons | |
Simbitla (quotations) ibat king Wikiquote |
Indian classical music Portal |
Persondata | |
---|---|
LAGYU | Shankar, Ravi |
ALIWANG LAGYU | রবি শঙ্কর (Bengali); Shôngkor, Robi (Bengali transliteration) |
MAKUYAD A PAMILARAWAN | Indian classical musician |
ALDO KEBAITAN | 7 Abril 1920 |
LUGAL KEBAITAN | Varanasi, United Provinces of Agra and Oudh, British Raj |
ALDO KEMATIAN | 11 December 2012 |
LUGAL KEMATIAN | San Diego, California, United States of America |
This article uses material from the Wikipedia Kapampangan article Ravi Shankar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kapampangan (DUHOCTRUNGQUOC.VN) is an independent company and has no affiliation with Wiki Foundation.