Un telescòpi es un sistèma optic que permet de veire d'objèctes alunhats, en tot agrandir sa mesura angulara e sa luminositat aparentas.
Los telescòpis son entre las aisinas mai importantas en astronomia e astrofisica. E mai que lo mot "telescòpi" se referisca generalament als telescòpis optics, existís de telescòpis per gaireben totas las frequéncias de l'espèctre electromagnetic.
Tot telescòpi optic es format per un objectiu e un ocular. L'objectiu forma un imatge (normalament real) de l'objècte alunhat sus son plan focal; aqueste imatge es puèi agrandida per l'ocular o ben impressionada sus una pellicula fotografica o detectada per una camera CCD. Si l'objectiu es una lent se parla de telescòpi refractor, se l'objectiu es un miralh concau se parla de telescòpi reflector; s' utiliza una combinason de lents e de miralhs se nomena telescòpi catadioptric.
This article uses material from the Wikipedia Occitan article Telescòpi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.