Ll'ucchiarone è 'o cchiù mpurtante strumiento int’’e mmane d’’e stronumme: int 'o senso sujo cchiù generale, arreccoglie e focalizza 'a radiazzione elettromagneteca.
Ll'ucchiarone aumientano 'a grannezza parente 'e ll'oggette, nzieme â lloro lummenusità. Galileo fuje 'o primmo ad ausà n'ucchiarone pe 'e fine stronummece.
Cu 'o termene "ucchiarone" nce se va a dicere generalmiente a n'ucchiarone acchiario, ma se custruiscono ucchiarone pe 'a major pparte d’’e spettro elettromagneteco.
Ll'ucchiarone radio songo antegne radio ca, ô pari d’’e specche 'e ll'ucchiaroni cs fatecano in acchiario, focalizzano 'a radiazzione, amprefecannola, int’’o fuoco giumetreco 'e ll'antegna addò è puosto 'o detector ca arreccoglie 'o signale radio. Songo a vote custruite cu na gratiglia 'e file cunduttore, 'e ca ssegne songo cchiù peccerille d’’a luonghezza 'e ll'onna asservata. Ll'ucchiarone radio songo spisso ausate a cocchie, o int gruppe cchiù nummerose, pe attenè deametre "vertuale" pruporzzionale â luntananza nfra ll'ucchiarrone. 'E gruppe cchiù granne hanno jonto ucchiaroni ncopp'e late apposte d’’a Terra. Chesta tecneca vene mo apprecata pure a ll'ucchiarone acchiarie.
Ll'ucchiarone pe raie X e raie gamma hanno ate prublemme, prencepalmiente pruveniante d’’o fatto ca chisti raie ponno traversà 'o fierro e 'o vrito. Ausano in gennere d’’e specche a forma 'e aniello, messe quase parallele ô fascio 'e lummera ncidente, ca vene speculesse 'e poche grade. 'E specche songo in gennere na sezzione 'e parabola girata.
This article uses material from the Wikipedia Nnapulitano article Ucchiarone, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.