Ramón Piñeiro López (31 de mai de 1915, Láncara - 27 d'aost de 1990, Sant Jaume de Compostèla) foguèt un òme politic e un intellectuau galèc.
Militant dau Partido Galeguista en 1932, foguèt obligat de participar a la Guèrra d'Espanha dins lo camp nacionalista e estudièt la filosofia en Compostèla. Après la guèrra, contunièt de participar au movement nacionalista galèc e foguèt empresonat en causa de seis activitats de 1946 a 1949. Pasmens, tre 1950, participèt a la fondacion deis edicions Editorial Galaxia destinadas a la promoccion de la literatura galèga. En 1967, foguèt acceptat au sen de l'Academia Reiala Galèga.
La fin dau franquisme li permetèt de desvolopar l'idèa d'una defensa difüsa de la causa galèga. Fondèt ansin en 1980 lo movement Realidade Galega que son objectiu èra de difusar lei revendicacions galègas dins totei lei partits politics, nacionalistas ò non. Puei, en 1981, foguèt elegit deputat au Parlament de Galícia gràcias a una aliança entre lo Partit dei Socialistas de Galícia e lo Partit Socialista Obrier Espanhòu. En 1983, foguèt nomat president dau Conseu de la Cultura Galèga e i demorèt fins a sa mòrt en 1990.
En 1984, recebèt l'Òrdre de Sant Jòrdi de part de la Generalitat de Catalhona.
This article uses material from the Wikipedia Occitan article Ramón Piñeiro López, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.