Poker
Lo poker (mot d'origina anglesa) es una familha de jòc de cartas comprenent fòrça formulas e variantas.
Se practica a mai d'un jogaire amb un jòc generalament de cinquanta doas cartas e de getons.
La tòca del jòc es d'aver la melhora combinason de cinc cartas, la man, a fin de ganhar l'ensemble de las mesas, lo pòt. Los jogaires subredison en foncion de la fòrça de lor man e de lor espèr de la melhorar, senon abandonan lo torn.
La varianta mai jogada en torneg oficial o dins los jòcs de casinò es ara lo Texas Hold'em. Lo poker es devengut coma los escacs, un espòrt.
Istòria
L' origina istorica del poker es pas clara. Le nom del jòc vendriá de l'alemand pochen (en occitan, tustar), jòc de cartas que se practicava al sègle XVII en Alemanha, e sembla d'èsser l'aujòl del poker, tant per sas règlas fòrça pròchas del poker actual coma per sas tacticas del jòc. Un jòc francés, la poque, se practicava ja al temps de Loís XI, mas amb de las règlas pro diferentas. La legenda del jòc restaca son nom anglés al vèrb to poke, butar o empusar.
Lo jòc a vertadierament conegut lo succès als Estats Units pendent lo sègle XIX per devenir ara fòrça popular dins lo monde entièr.
Las mans al poker
| Jogada | Jogada en anglés | Descripció | Exemple | Combinasons Possiblas | |
|---|---|---|---|---|---|
| 1 | Escala Reiala o Flor Imperiala | Royal Straight Flush | 5 cartas consecutivas de la meteissa familha del 10 a l'As. |  | 4 |
| 2 | Escala de color | Straight Flush | 5 cartas consecutivas de la meteissa familha, sens l'As coma carta nauta. |  | 36 |
| 3 | Poker | Four of a kind | 4 cartas egalas en valor. |  | 624 |
| 4 | Full | Full House | 3 cartes egalas mai 2 autras egalas. |  | 3.744 |
| 5 | Color | Flush | 5 cartas de meteissa familha non seguidas. |  | 5.108 |
| 6 | Escala | Straight | 5 cartas seguidas de familhas diferentas. |  | 10.200 |
| 7 | Trio | Three of a kind | 3 cartas d'egala valor. |  | 54.912 |
| 8 | Doble Parelh | Two Pairs | 2 parelhs de cartas egals de valor. |  | 123.552 |
| 9 | Parelh | One Pair | 2 cartas egalas. |  | 1.339.728 |
| 10 | Carta mai nauta | High Card | Ganha lo qu'a la carta mai nauta. |  | 1.302.540 |
This article uses material from the Wikipedia Occitan article Poker, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.