Odin —Óðinn en noroèc— es lo dieu principal de la mitologia nordica e un dels principals de la mitologia germanica.
Nomenat tanben Wotan, *Wōðanaz essent la forma germanica del nom. Es una divinitat majora del panteon viking coma dieu dels mòrts, de la victòria, de la magia, de las runas, del saber e dels poetas. Es considerat coma lo sòci principal dels Ases. Odin parteja la fèsta de Jul, que se celebra le 21 de decembre, amb lo dieu Ull.
Lo luòc de residéncia d'Odin es lo palais de Valaskjálf, situat en Ásgard, ont se trapa son tròn sonat Hlidskjalf, d'ont pòt observar los nòu monds de la cosmologia nordica. Ten mai d'un objèctes fabuloses, sa lança Gungnir e son anèl Draupnir, e monta son chaval de uèit cambas sonat Sleipnir. Son domeni es pas accessible als mortals e ligat a la tèrra per un arcolan que sols los dieus pòdon veire.
Filh de Bor e de la giganta Bestla, sos fraires son Vili e Ve. Sa molher es Frigg ; sos enfants, los dieus Baldr, Höd e Hermöd
This article uses material from the Wikipedia Occitan article Odin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.