Odin (in vetere nordico: Óðinn) esseva le deo central in le mythologia nordic, le patre del ases e le deo pro i.a.
sagessa, poesia, magia, guerra e morte. Ille es le rege del deos e considerate le plus potente e le plus sage. Odin ha solmente un oculo. Le altere ille dava a Mimer pro poter reguardar a in le futuro per le aqua in su puteo magic. Con su sede in Valhalla, le burgo del deos, ille es circumferite per le corvos Hugin e Munin, que vola a in le mundo pro reportar a Odin super eventos. Odin ha su cavallo Sleipnir con octo gambas, assi que illo pote mover se in omne dimensiones cosmic. Le tertie plus grande urbe in Danmark, Odense sur le insula Fionia, es nominate secundo Odin, e in le linguas scandinave - danese, norvegiano e svedese - mercuridi es appellate onsdag, i.e. le die de Odin. Le parentes de Odin es Bor e Bestla, e ille ha duo fratres: Vilje e Ve. Su sposa es Frigg, le dea le plus potente in Asgard, le mundo del deos. Lor infantes es Balder, Hod e Hermod. Con Jord (o: Fjorgyn) ille habeva Thor, le deo del tonitro. Le figura Odin anque existe in le mythologia germanic, ubi ille se appella Wotan in ancian germano alte.
Odin |
---|
instantia de: Norse deity[*], deitate del guerra[*], rege del deos[*] |
|
Commons: Odin |
This article uses material from the Wikipedia Interlingua article Odin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.