Un imne (del grèc ὕμνος hymnos, «cançon de laus») èra a l'origina una mena de cançon religiosa, escricha pr'amor de lausar o de far de preguièras a un dieu, a una autra figura ligada a çò divin o tanben a un eròi.
L'imne atenhèt foguèt dignificat en literatura a partir dels sègles VIII e VI abans Jèsus Crist gràcias als Imnes omerics e foguèt puèi desvolopat metricament per qualques poètas famoses coma Pindar, Baquilid e Alcèu. Actualament, pr'aquò, lo mot d'imne s'emplega mai que mai per designar una composicion que servís a identificar politicament e identitàriament una origina «nacionala» d'individús, d'institucions o un Estat. Demest los imnes mai celèbres internacionalament figuran l'imne francés la Marselhesa (sentit coma un cant revolucionari e de liberacion abans), l'imne anglés God Save the Queen («Dieu apare la reina»). L'imne occitan es Se canta, cançon tradicionala coneguda dins cada recanton d'Occitània e en Provença es Copa Santa escricha per Frederic Mistral. Demest los autres imnes de liberacion cal citar l'imne catalan Els Segadors.
This article uses material from the Wikipedia Occitan article Imne, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.