Neishut a Tors d'un pair occitan (deu Massís Centrau, Balssà de son nom vertadièr) qui hè carrièra au servici deu rei, que se'n va tà París on mia dab succès estudis de Dret de 1816 a 1819; mes la literatura que'u s'apèra e de 1818 a 1825 que lei hèra e que publica los sons prumèrs libes, shens gran succès. Ad aqueth moment qu'emplega pseudonims com lo d'Horace de St-Aubin. Que tribalha au Feuilleton littéraire, tanben, e qu'i apren a escríver viste. De 1825 a 1828 que mia ua enterpresa de librari-imprimidor, que hè falhita e que's retròba dab 60 000 liuras de deutes. Que torna tà la literatura per'mor qu'a besonh de moneda. Aqueras prumèras experiéncias e la coneishença deu mitan deu jornalisme qu'inspiraràn a Balzac un deus sons mei grans romans, Illusions perdues.
Los romans qui escriverà d'ara enlà que formaràn un ensemble batiat per l'autor La Comèdia umana per'mor qu'a l'ambicion d'i pintrar tota la soa epòca. Balzac que serà un tribalhador infatigable, un galerian de l'escritura, e que morirà d'estarida shens aver acabat lo son projècte. N'empacha pas que sia ua òbra monumentau (mei de navanta romans).
D'aquera òbra immensa que's pòden destacar La Peau de chagrin (1831), Eugénie Grandet (1833), Le Père Goriot (1835), Illusions perdues dejà citat (1843), Splendeurs et misères des courtisanes (1847).
Qu'inventa e qu'utiliza lo procedit deu "retorn deus personatges" d'un roman a l'aute: l'"unitat d'òbra" n'ei pas mei lo roman, qu'ei mei larga. Lo son amic Félix Davin que'n da lo sens: "ua de las mei atrevidas intencions de l'autor, la de balhar la vita e lo movement a tot un monde fictiu dont los personatges subsistiràn lhèu enqüèra, quan la màger part deus modèls sian morts o desbrombats." Un deus personatges mei coneishuts de la Comèdia umana qu'ei Eugène de Rastignac. Estudiant provinciau ambiciós, que pujarà de roman en roman entà fenir ministre e par de França!
Anecdòta
Joan Bodon qu'èra per sa mair emparentat dab los Balssàs, la familha dont gessí lo pair de Balzac; véder los Contes dels Balssàs.
Qu'existeishen mantua colleccion de las soas òbras òbras en divèrs formats. Ua edicion illustrada qu'estó publicada per Furne (20 volums, in-8, 1842-1852).
Lista de las òbras romanescas de Balzac
Aquesta lista que's basa sus l'edicion Furne, edicion de referéncia entà La Comedia umana. Que segueish las divisions que Balzac e metó eth medish en plaça.
Estudis de mors
Scènas de la vida privada
La maison du chat-qui-pelote
Le bal de Sceaux
La Bourse
La Vendetta (nouvelle)'
Madame Firmiani
Une double famille
La Paix du ménage
La Fausse Maîtresse
Étude de femme
Albert Savarus
Mémoires de deux jeunes mariées
Une fille d'Ève
La Femme abandonnée
La grenadière
Le message
Gobseck
Autre étude de femme
La Femme de trente ans
Le Contrat de mariage
Béatrix
La Grande Bretèche
Modeste Mignon
Honorine
Un début dans la vie
Scènas de la vida de província
Ursule Mirouët
Eugénie Grandet
Pierrette
Le Curé de Tours
Un ménage de garçon
L'illustre Gaudissart
La Muse du département
La Vieille Fille
Le Cabinet des Antiques
Le Lys dans la vallée
Les Deux Poètes
Un grand homme de province à Paris
Ève et David
Scènas de la vida parisenca
Ferragus (Histoire des Treize)
La Fille aux yeux d'or (Histoire des Treize)
La Duchesse de Langeais (Histoire des Treize)
Le Père Goriot
Le Colonel Chabert
Facino Cane
La Messe de l'athée
Sarrasine
L'Interdiction
Histoire de la grandeur et de la décadence de César Birotteau
Bèth sarròt de romans o novèlas n'entran pas dens nada d'aqueras categorias.
La Cousine Bette
Le Cousin Pons
Les paysans
Petites misères de la vie conjugale
Le député d'Arcis (inachevé)
Les petits bourgeois
Les Cent contes drolatiques
This article uses material from the Wikipedia Occitan article Honoré de Balzac, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.