Energia Potenciala
L’energia potenciala d'un sistèma fisic es l'energia, liada a una interaccion, qu'a la capacitat de se transformar en d'autrei formas d'energia (generalament en energia cinetica).
Foncion dau sistèma, despend dei coordenadas d'espaci e sovent dau temps. Es egalament associada amb una fòrça conservativa. Una proprietat importanta de l'energia potenciala es que la diferéncia entre leis energias potencialas associadas a dos ponchs de l'espaci es egala a l'opausat dau trabalh de la fòrça liada a aquela energia per anar d'un ponch a un autre que que siegue lo camin seguit per realizar aqueu percors.
A l'escala macroscopica, certaneis energias potencialas s'obsèrvan pus frequentament dins lei calculs : energia potenciala mecanica, energia potenciala gravitacionala, energia potenciala de pesantor, energia potenciala elastica, energia potenciala electrostatica... A l'escala microscopica, l'energia potenciala es dicha energia intèrna. Es alora compausada de l'energia de liason quimica e deis energias nuclearas qu'implican lei nucleons.
Liames intèrnes
Bibliografia
Nòtas e referéncias
This article uses material from the Wikipedia Occitan article Energia potenciala, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.