../..
v. 1504-1492 : rèine de Tuthmosis Ièr que veguèt un renfòrçament important de la poissança egipciana. D'efiech, capitèt de menar plusors expedicions militaras victoriosas vèrs lo nòrd-èst e vèrs lo sud tot en desvolopant l'economia intèrna gràcias a un important programa de construccion.
v. 1492/1491 - 1479 : en Egipte, periòde supausat dau rèine dau faraon Tuthmosis II. Contuniant l'òbra de son paire, someteguèt Nubia e menèt plusors campanhas en direccion de Mesopotamia. Coma son paire, foguèt egalament a l'origina de la bastida de plusors monuments importants.
v. 1479-1458 : regéncia de la rèina Hatshepsut. Capitèt pauc a pauc d'usurpar lo títol reiau. Son rèine foguèt pacific en despiech de la repression d'una revòuta en Nubia. Establiguèt de relacions comercialas amb lei pòbles de Sinai, de Palestina-Siria e de Fenicia.
16 d'abriu de 1457 : batalha de Megiddo entre Egipte e una coalicion gropant Mitanni e seis aliats sirias. S'acabèt per una importanta victòria dau faraon Tuthmosis III que mantenguèt l'influéncia egipciana dins la region. Après aqueu succès, plusors poissanças mediterranèas ò mesopotamianas (Chipre, Assiria, Babilònia...) mandèron de tributs a Tuthmosis III dins lo corrent deis annadas seguentas e reconoguèron sa primautat.
This article uses material from the Wikipedia Occitan article Sègle XV abC, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.