Jacob Zuma

E bile Mopresidente wa Afrika Borwa go tloga ka 2009 go fihla ka 2018.

Mohlompegi Jacob Zuma
Zuma ka 2010
Mopresidente wa Afrika Borwa wa bone
Mo setulong 9 Mopitlo 2009 – 14 Dibokwane 2018
Motlatsi	Kgalema Motlanthe Cyril Ramaphosa
A eteletšwego pele ke	Kgalema Motlanthe
A hlatlangwa ke	Cyril Ramaphosa
Mopresidente wa African National Congress
Mo setulong 18 December 2007 – 18 December 2017
Motlatsi	Kgalema Motlanthe Cyril Ramaphosa
A eteletšwego pele ke	Thabo Mbeki
A hlatlangwa ke	Cyril Ramaphosa
Motlatšapresidente wa Afrika Borwa
Mo setulong 14 June 1999 – 14 June 2005
Mopresidente	Thabo Mbeki
A eteletšwego pele ke	Thabo Mbeki
A hlatlangwa ke	Phumzile Mlambo-Ngcuka
Ditshidimošo tša gagwe
O belegwe	Jacob Gedleyihlekisa Zuma (1942-04-12) 12 Moranang 1942 (mengwaga 82) Nkandla, Afrika Borwa
O hlokofetše	party = African National Congress
Molekane(ba)	Gertrude Sizakele Khumalo (1973–gona bjale) Kate Zuma (1976–2000) Nkosazana Dlamini-Zuma
Bana	20 (akanyetšwago), go akaretša Gugulethu Zuma-Ncube, Thuthukile Zuma

Ka bo-1960, o be a le kgahlanong le pholisi ya mmušo wa Afrika Borwa ya apartheid. O feditše nako ye nngwe kgolegong kua Sehlakahlakeng sa Robben ka lebaka la go loga maanomabe a go menola mmušo.

Ka la 14 Hlakola 2018 Mopresidente wa Afrika Borwa Jacob Zuma' o ile a itokolla ka lebaka la taelo ya go se kwane yeo go ngangišanwago ka yona le kahlolo African National Congress.

Ka 2005 o ile a latofatša ka [go kata eupša o ile a hwetšwa a se na molato.

E nngwe ya ditšo tša gagwe tšeo a di latelago ke go ba le basadi ba bantši. O bile le basadi ba tshela (yo mongwe wa bona o ipolaile ka 2000) gomme o bile le bana ba go feta masomepedi.

Zuma e be e le motho yo a bego a swanetše go botša setšhaba ka la 5 Dibatsela 2013 gore Nelson Mandela o hlokofetše.

Bošegong bja pele ga African National Congress go ba le bouto ya go se tshepe kgahlanong le yena, Zuma o ile a itokolla. Dibeke tše mmalwa ka morago ga gore a role modiro, go begilwe gore o belege ngwana le mosadi wa mengwaga ye 24 sepetleleng sa Durban.

Ka June 2021 Jacob Zuma o ile a bonwa molato wa lenyatšo la kgorotsheko gomme a ahlolelwa dikgwedi tše 15 kgolegong.Kahlolo ye e tlile morago ga gore Zuma a ganetše ditaelo tša Kgorotsheko ya Molaotheo gore a tšwelele pele ga State Capture Inquiry gomme a arabe dipotšišo tšeo di sa latofatšego mabapi le mengwaga ya gagwe ye senyane mo setulong.

Ka Phato 2021, Jacob Zuma o be a tla hwetša phenšene yeo e sa lekanego go lefela ditshenyagalelo tša gagwe tša molao. Boemong le ge e le bofe, se ke seo ba leloko la gagwe ba se šišinyago, bao ba ipiletšago go badudi-gotee le bona go tsenya letsogo go hlogo ya bona ya peleng ya mmušo.

Ka Lewedi 2021, Kgorotsheko ya Molaotheo ya Afrika Borwa e ile ya gana ka bogale kgopelo ya Mopresidente wa peleng Jacob Zuma ya go bušetša morago kahlolo ya gagwe yeo e bego e mo ahlolela dikgwedi tše 15 kgolegong ka lebaka la go nyatša toka.