Parlément

Un parlément ( parlément) est eune assembliée législative tchi fait des louais pouor un pays ou eune région. Dé couôteunme, lé parlément s'trouve dans la capitale du pays, mais tchiquefais l'parlément siège dans eune aut' ville (viyiz L'Cap) - ou l'parlément peut s'assemblier d'aut' bord pouor des raisons spéciales (par exempl'ye, les deux chambres du parlément Français peuvent amender la constitution en siégeant ensembl'ye à Vèrsâles.

Y'a des parléments à deux chambres, coumme les cheins du Rouoyaume Unni et d'la France, lé Congrès d's Êtats Unnis, ou l'Tynwald dé l'Île dé Man, épis y'a des parléments à eune chambre, coumme les cheins d'la Nouvelle Zélande, d'la Norouague et d'l'Israël.

Dans des fédéthâtions, les régions ont généthalement un parlément, mais y'a des parléments étout dans d's êtats unnitaithes; par exempl'ye, l'Êcosse a un parlément.

Lé Parlément Ûropéen est un parlément întèrnâtionna tchi fait des louais pouor l'Unnion Ûropéenne

En France, un parlément 'tait eune cour dé justice tchi gângnit du pouvé sus les taxes. Lé Parlément d'Rouën en 'tait iun des pus piêssants auprès l'chein d'Paris - mais tout chenna fut rempliaichi par la Révolution Française.

• Êtats d'Jèrri
• Knesset
• Chef-Pllaids/Chef Plyee
• Majlis
• Douma
• Althing
• Eduskunta
• Dáil Éireann
• Saiema
• Sejm
• Seimas

 

Ch't' articl'ye-chîn est eune choutchette - Ajouôtez et amendez!