Lettonnie
Ch't' articl'ye fut c'menchie en Jèrriais |
| |||
 | |||
| Langue officielle | Letton | ||
| Capitale | Riga | ||
| Chef d'êtat | Raimonds Vējonis | ||
| Preunmié Minnistre | Laimdota Straujuma | ||
| Monnaie | Étchu | ||
| Zone dé l'heuthe | UTC+2 (DST) | ||
| Antienne | Dievs, Sveti Latviju | ||
| Fête nâtionnale | 18 d'Novembre | ||
| Întèrnet TLD | .lv | ||
| Code à phôner | 371 | ||
La Lettonnie est un pays en Ûrope. Ch'est iun des membres dé l'Unnion Ûropéenne.
Ch'est iun des Pays Baltiques au bord d'la Mé Baltique.
Lé parlément Letton a nom Saiema. Y'a eune chambre dans l'assembliée auve 100 membres êlus touos les quatre ans. Lé Président du pays est êlu par lé parlément.
Au 13e siècl'ye lé pays fut contchéthi par des c'valièrs Allémands. Au 17e siècl'ye la Polongne et la Suède otchupaient l'pays, épis au 18e siècl'ye la Russie încorpouothit la Lettonnie dans s'n empithe. Les seigneurs Allémands continnuaient en chèrge du tèrrain et d'l'êcononmie et l'Allémand restit eune langue prîncipale.
À la siette d'la Révolution Russe la Lettonnie dêcliathit s'n îndépendence lé dgiêx-huit d'Novembre 1918. Eune républyique parlémentaithe enduthit jusqu'en 1934 quand l'preunmié minnistre Kārlis Ulmanis lanchit un co d'êtat et gouvèrnit s'lon un régînme populiste et autoritaithe jusqu'à l'învâsion Soviétique en 1940. D's êlections fraudées fûtent prîntent pliaiche et un gouvèrnément d'poupettes démandit l'încorpouothâtion du pays dans l'Unnion Soviétique.
À la tchête d'l'Unnion Soviétique, la Lettonnie r'dêcliathit s'n îndépendence lé vîngt-tch'iun d'Août 1991.
En 2004 la Lettonnie d'vînt un membre d'l'Unnion Ûropéenne et d'l'OTAN.
Viyiz étout
This article uses material from the Wikipedia Nouormand/Normaund article Lettonnie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.