ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫: ߖߌ߬ߣߍ߫ ߓߘߍ߬ߓߘߍ߬ߟߌ߬ߟߊ ߣߴߊ߬ ߞߏߕߌ߮
ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߦߋ߫ ߖߌ߬ߣߍ߫ ߓߘߍ߬ߓߘߍ߬ߟߌ߬ߟߊ ߘߏ߫ ߟߋ߬ ߘߌ߫ ߡߍ߲ ߛߐ߬ߘߐ߲߬ ߘߊ߫ ߁߉߅߄ ߠߊ߫ ߞߙߎ߬ߛߊ߫߸ ߖߌ߬ߣߍ߫ ߞߊ߲ߓߍ߲ ߘߐ߫.
ߊ߬ ߓߊ߲ ߞߐ ߘߐ߫ ߝߏߘߋߦߊ߫ ߖߐ߲ߓߐ߲ ߛߐ߬ߘߐ߲߬ ߠߊ߫ ߓߘߍ߬ߓߘߍ߬ߟߌ ߘߍ߬ߟߐ߲߬ߘߐ߬ߦߊ ߘߐ߫ ߓߙߌߗߜ߭ߊߎ߫-ߝߙߌߓߎߙߜ߭ ߖߊ߯ߓߘߊ ߟߊ߫߸ ߊ߬ ߞߵߊ߬ ߟߊ߫ ߓߘߍ߬ߓߘߍ߬ߟߌ߫ ߞߙߎߞߊ ߊߙߋߣߊ «Alliance pour le Renouveau National» ߜߘߌ ߛߌ߰߸ ߡߍ߲ ߢߌߣߌ߲ߞߏ ߕߘߍ߬ ߦߋ߫ ߝߊ߬ߛߏ߬ߘߋ߲ ߠߎ߬ ߕߍߘߐߓߍ߲ ߣߴߊ߬ߟߎ߬ ߘߟߊߘߍ߭ ߘߌ߫. ߁߉߉߇ ߟߊ߫߸ ߊ߬ ߕߐ߯ߦߊ߫ ߘߊ߫ ߞߊ߲ߕߌ߮ ߟߊ߲߬ߛߣߊ߬ ߞߐ߲ߕߍ߬ ߓߟߏ߫ ߞߵߊ߬ ߞߍ߫ ߟߊ߬ߞߊ߲߬ߘߊ߬ߟߌ ߞߏߕߌ߮ ߘߌ߫߸ ߊ߬ ߕߏ߫ ߘߊ߫ ߗߋߘߊ ߏ߬ ߟߊ߫ ߦߋ߲߬ ߤߊ߲߯ ߞߊ߬ ߥߴߊ߬ ߛߌ߰ ߂߀߀߀ ߟߊ߫. ߊ߬ ߞߘߊߡߊ߫ ߘߊ߫ ߢߊߣߌ߲ߡߊߓߏߙߌ ߟߊ߫ ߏ߬ ߞߍ ߊ߬ ߥߊ߫ ߘߊ߫ ߞߊ߬ߝߏ߫ ߘߍ߬ߣߍ߲ ߠߊ߫߸ ߊ߬ ߞߊ߬ ߓߘߍ߬ߓߘߍ߬ߟߌ߬ ߞߏߖߊ ߣߴߊ߬ ߝߐߢߐ߲߯ߞߐ ߢߊߓߐߟߌ ߥߟߊ߬ߘߊ ߕߊ߬ ߦߋ߲߬ ߞߐ߬ߟߎ߲ߓߌ߬ߦߊ߫ ߖߊ߯ߓߘߊ ߣߌ߫ ߣߌߥߦ ߦߐߙߞ ߖߊ߯ߓߘߊ ߟߎ߬ ߟߊ߫. ߊ߬ ߞߟߌ߫ ߘߊ߫ ߖߌ߬ߣߍ߬ߞߊ ߟߎ߬ ߓߟߏ߫ ߂߀߁߀ ߠߊ߫ ߞߊ߬ ߣߊ߬ ߕߘߍ߬ ߞߊ߬ߝߏ ߓߍ߯ߦߊ ߣߌ߫ ߓߘߍ߬ߓߘߍ߬ߟߌ ߥߊ߯ߕߌ߫ ߟߊߢߎ߲ߣߍ߲ ߠߊߕߊ߬ߡߌ߲ ߘߐ߫. ߊ߬ ߞߍ߫ ߘߊ߫ ߝߊ߬ߛߏ ߘߐ߬ߕߊߡߌ߲ ߟߊ߬ߟߌ߰ߟߌ ߝߘߏ߬ߓߊ߬ ߞߟߊߕߌ߮ ߘߌ߫ ߛߋ߲߬ߧߊ߬ ߦߙߌߞߊ ߢߐ߲߯ߞߐ߫. ߊ ߞߊ߬ ߊߝߙߌߞߊ߲ ߞߑߙߊߛߌߛ ߜ߭ߙߎߔ ߜߘߌ ߛߌ߰ ߂߀߁߁ ߠߊ߫߸ ߏ߬ ߕߘߍ߬ ߦߋ߫ ߛߓߍߘߊ ߟߋ߬ ߘߌ߫ ߡߍ߲ ߕߘߍ߬ ߦߋ߫ ߝߊ߲߬ߝߘߊ߬ߧߊ ߞߊ߬ߙߊ߲߬ ߟߊߟߌߟߌ ߟߋ߬ ߘߌ߫߸ ߡߍ߲ ߠߊ߫ ߗߋߦߊߟߌ ߕߘߍ߬ ߦߋ߫ ߖߐ߮ ߟߐ߬ߞߎ ߘߴߊߝߙߌߞߌ߬. ߞߊ߬ ߓߍ߲߬ ߊ߬ ߟߊ߫ ߊߝߙߌߞߊ߲ ߞߑߙߊߛߌߛ ߜ߭ߙߎߔ ߗߋߕߌ߯ߦߊ ߡߊ߬߸ ߊ߬ ߞߊ߬ ߕߍߝߐߟߌ߫ ߕߎ߲߰ߣߍ߲߬ߢߐ߲߰ߠߊ ߣߌ߫ ߞߟߍ߬ߓߊ߲߫ ߛߌߦߊߡߊ߲߫ ߠߎ߫ ߞߴߊߝߌߞߌ߬ ߜߙߋ ߞߊ߲߬.
| ߖߊ߲߬ߕߌ߰ߦߊ | ߗߍ߭  |
|---|---|
| ߝߊ߬ߛߏ߬ߦߊ߬ ߖߡߊ߬ߣߊ߫ | ߖߌ߬ߣߍ߫ |
| ߕߐ߮ | Sékou |
| ߛߌ | ߞߐ߲ߘߍ |
| ߡߏߦߌ߫ ߕߎߡߊ | 1954 |
| ߞߊ߲ | ߝߊ߬ߙߊ߲߬ߛߌ߬ ߞߊ߲ |
| ߓߊ߯ߙߘߊ | ߓߘߍ߬ߓߘߍ߬ߟߌ߬ߟߊ, ߥߛߊ߬ߘߋ߲ |
| ߗߋߘߊ | ߥߛߊ߬ߘߋ߲ |
| ߞߙߎߞߊ | Q124219849 |
ߞߊ߲߬ߛߓߍߟߌ
ߘߋ߲ߓߦߊ
ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߡߏߦߌ߫ ߘߊ߫ ߁߉߆߄ ߠߋ߬ ߟߊ߫ ߞߙߎ߬ߛߊ߫߸ ߊ߬ ߓߐߣߍ߲߫ ߦߋ߫ ߘߋ߲ߓߦߊ߫ ߟߎ߫ ߟߋ߬ ߘߐ߫ ߡߍ߲ ߠߎ߬ ߝߛߊ߬ߣߍ߲߬ ߦߋ߫ ߊߝߙߌߞߌ߬ ߦߋߢߐ߲߯ߠߊ߫ ߡߐߟߐ߲ ߠߎ߬ ߡߊ߬. ߊ߬ ߞߊ߬ ߟߐ߲ߠߌ߲߫ ߞߟߊ߬ߟߊ߬ߡߊ ߟߋ߬ ߛߐ߬ߘߐ߲߬ ߡߐ߬ߟߐ߲ ߏ߬ ߛߐ߫ ߖߏ߯ߦߊߟߌ ߣߌ߫ ߛߟߐߡߌ߲ߦߊ ߘߐ߫. ߊ߬ ߝߊ߬ ߕߍ߬ߣߍ߲߬ߞߋ߲߬-ߝߏߘߋ߫ ߞߐ߲ߘߍ߫ ߕߘߍ߬ ߦߋ߫ ߞߎ߲߬ߕߌ߮ ߟߋ߬ ߘߌ߫ ߛߎߝߌ ߛߟߐߡߌ߲ߦߊ ߘߐ߫. ߊ߬ ߕߍߣߍ߲߫ ߡߍ߲ ߞߵߊ߬ ߟߊߡߐ߬ ߊ߬ ߝߊ߬ ߟߊ߫ ߛߊ߬ߦߊ ߞߐ ߘߐ߫ ߞߵߊ߬ ߕߘߴߊ߬ ߛߊ߲߬ ߕߊ߲ ߦߋ߫߸ ߏ߬ ߕߘߍ߬ ߦߋ߫ ߕߏߘߊ ߡߐ߰ߓߊ ߟߋ߬ ߘߌ߫. ߊ߬ ߣߊ߫ ߕߘߍ߬ ߦߋ߫ ߡߛߏ߬ߞߎ߲ ߠߋ߬ ߘߴߊ߬ߟߎ߬ ߟߊ߫ ߘߋ߲ߓߦߊ ߞߣߐ߫߸ ߊ߬ ߞߎߡߊߞߊ߲ ߕߘߍ߬ ߦߋ߫ ߡߌ߬ߣߊ߬ ߟߊ߫ ߞߊ߬ ߓߍ߲߬ ߊ߬ ߟߊ߫ ߤߊߞߟߌߡߦߊ ߣߌ߫ ߤߊߞߟߌ߫ ߢߌߡߊ ߡߊ߬.
ߊ߬ ߟߊ߫ ߘߋ߲ߓߦߊ ߟߎ߬ ߓߌ߬ߟߊ߬ߣߍ߲߬ߓߊ ߟߋ߬ ߦߋ߫ ߓߘߍ߬ߓߘߍ߬ߟߌ߬ ߘߊߞߎ߲ ߠߎ߬ ߘߐ߫. ߊ߬ ߝߟߊ߬ߞߊ ߟߎ߬ ߕߘߍ߬ ߘߊ߫ ߖߌ߬ߣߍ߬ ߊߝߙߌߞߌߞߊ߫ ߞߙߎ ߘߐ߫ (Bloc Africain de Guinée)߸ ߡߍ߲ ߠߎ߬ ߕߘߍ߬ ߦߋ߫ ߊߝߙߌߞߌ߬ ߡߊߜߍ߲߫ ߕߏ߯ߝߏ ߞߊ߬ߣߌ߲߬ߓߊ߮ ߞߊ߬ߣߌ߲߬. ߊ߬ ߣߟߊߞߊ ߟߎ߬ ߕߘߍ߬ ߦߋ߫ ߖߌ߬ߣߍ߬ ߓߍ߯ߦߊ߫ ߞߙߎߞߊ ߣߌ߫ ߊߝߙߌߞߌ߬ ߓߍ߯ߦߊ ߟߊߘߍ߭ ߟߎ߫ ߟߋ߬ ߘߐ߫. ߊ߬ ߓߏߙߌ߲߫ ߛߋߟߌߦߊ߲߫ ߛߋߞߎ ߞߎߦߊߕߍ߫ ߕߘߍ߬ ߦߋ߫ ߞߙߎߞߊ ߏ߬ ߜߘߌ ߛߌ߰ߓߊ߮ ߘߏ߫ ߟߋ߬ ߘߌ߫.
ߝߏߣߌ߲ߞߋߦߊ ߊߝߙߌߞߌ߬ ߕߟߋ߬ߓߋ ߘߐ߫
ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߦߋ߫ ߓߐߒߡߊߟߌ ߟߊ߫ ߓߊ߬ߟߊ߲߬߸ ߦߋ߲߬ ߡߍ߲ ߦߴߊ߬ ߓߐߛߎ߲ ߠߎ߬ ߟߊ߫ ߘߎ߱ ߜߍ߲߭ ߕߍ߰ߣߍ߲ ߞߊ߬ߣߌ߲߬
ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߛߐ߬ߘߐ߲߬ ߘߊ߫ ߞߙߎ߬ߛߊ߫ ߟߋ߬ ߞߊ߬ ߓߊ߲߫ ߞߊ߬ ߞߎ߲߬ߓߊ߬ߦߊ߫ ߦߋ߲߬. ߞߵߊ߬ ߕߘߍ߬ ߊ߬ ߦߋ߫ ߞߊ߬ߙߊ߲߬ߕߊ ߟߊ߫߸ ߊ߬ ߟߐ ߕߘߍ߬ ߦߴߊ߬ ߟߊ߫ ߞߊ߬ ߘߐ߬ߝߐ ߟߋ߬ ߞߊ߬ߙߊ߲߬߸ ߊ߬ ߣߌ߫ ߘߎ߰ߡߊ߬ߛߓߍ ߣߌ߫ ߡߟߋߞߎߦߊ߸ ߊ߬ ߣߌ߫ ߥߘߋ߬ߥߘߋ߬ߟߌ ߝߣߊ߫. ߊ߬ ߢߊߓߐߣߍ߲߫ ߕߘߍ߬ ߦߋ߫ ߛߓߍ߫ ߘߐߞߊߙߊ߲ ߝߍ߬߸ ߊ߬ ߞߵߊ߬ ߢߊߦߋ߫ ߖߏߣߊ߫ ߞߴߊ߬ ߘߌ߫ ߣߊ߬ ߞߍ߫ ߡߐ߰ ߖߋߙߌ߲ߒߕߋ ߘߌ߫. ߁߉߇߈ ߠߊ߫߸ ߊ߬ ߘߏ߲߬ ߘߊ߫ ߞߊ߲ߞߊ߲߫ ߖߊ߯ߓߘߊ߫ ߗ߭ߟߎߛ ߒߦߙߋߙߋ߫ ߟߴߊ߬ ߞߊ߬ ߘߐ߬ߝߐ ߣߌ߫ ߘߍ߬ߟߐ߲߬ߘߐ߬ߦߊ ߟߎ߬ ߞߊ߬ߙߊ߲߫ ߦߋ߲߬ ߠߋ߫߸ ߞߊ߬ ߓߊ߲߫ ߞߊ߬ ߥߊ߫ ߘߏ߲߬ ߞߐߣߊߞߙߌ߫ ߖߊ߯ߓߘߊ߫ ߜ߭ߡߊߟ ߊߓߑߘߍߟ ߣߊߛߍߙ ߟߊ߫. ߊ߬ ߞߊ߬ ߛߋߓߊ߯ߦߊ߫ ߘߝߊߣߍ߲ ߛߐ߬ߘߐ߲߬ ߞߊ߬ߙߊ߲߬ߠߊ߬ߘߋ߲߬ߦߊ ߣߌ߫ ߘߍ߬ߘߐ߬ߞߏ ߟߎ߬ ߘߐ߫߸ ߊ߬ ߝߊ߲߭ ߞߍ߫ ߖߊ߯ߓߘߊ ߞߊ߬ߙߊ߲߬ߠߊ߬ߘߋ߲ ߠߎ߬ ߟߊ߫ ߞߊ߲ߕߌ߯ ߛߙߍߞߍ ߘߌ߫. ߖߊ߲߬ߖߏ߲ ߘߏ߫ ߕߊ߬ߡߌ߲߬ ߘߊ߫߸ ߊ߬ ߜߋ߲ߜߋ߲߫ ߓߌ߬ߟߊ߬ߒ߬ߘߐ߫ ߟߊߞߙߐ߬ߛߌ߬ߕߊ ߘߏ߫ ߊ߬ ߟߊ߫ ߢߣߊߡߦߊ ߞߎ߲߬ߕߊ߮ ߘߐ߫. ߛߐ߰ߡߊ߬ߘߊ ߘߏ߫ ߟߊ߫ ߁߉߇߇ ߟߊ߫߸ ߏ߬ ߕߘߍ߬ ߦߋ߫ ߖߍ߲ߛߍ߲ߓߍ߫ ߘߏ߫ ߟߋ߬ ߘߌ߫ ߡߍ߲ ߕߘߍ߬ ߦߋ߫ ߞߟߌߟߌ ߞߍ߫ ߟߊ߫ ߡߎߙߎ߲ߕߌ ߡߊ߬ ߞߊ߲ߕߌ߯ ߛߋߞߎ߬ ߕߎ߬ߙߋ ߟߊ߫ ߡߙߊ߬ߞߊ߲ ߡߊ߬߸ ߏ߬ ߟߋ ߘߐߝߘߊ ߕߘߍ߬ ߦߴߌ ߘߐ߫ ߟߐ߲ߘߊ (faculté) ߟߊ߫. ߛߋߞߎ߬ ߞߎ߬ߙߊ߬ߌߛߌ߫ ߡߍ߲ ߕߘߍ߬ ߦߋ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߟߊ߫ ߖߋ߬ߓߌ߬ߦߊ߬ߟߊ߫ ߝߟߐ ߘߌ߫߸ ߏ߬ ߞߵߊ߬ ߘߐߞߕߌ߫ ߞߏ߫ ߞߊ߬ ߖߊ߯ߓߘߊ ߞߎ߲߬ߠߊ߬ߛߌ߮ ߟߎ߬ ߟߊߟߐ߲ߠߌ߲߫ ߟߌ߬ߤߟߊ߬ߦߊ ߟߊ߫. ߊ߬ ߞߵߊ߬ ߟߊ߫ ߛߌ߲߬ߝߏ߲߬ߧߊ߬ߟߌ ߛߌ߲߬ߝߏ߲ ߠߎ߬ ߟߊߞߊ߬ߝߏ߬ ߞߊ߬ ߛߓߍ ߘߏ߫ ߓߌ߬ߟߊ߬ ߖߊ߯ߓߘߊ ߗߋߕߌ߮ ߓߘߊ. ߕߎ߬ߡߊ߬ߙߋ߲߬ ߘߊ߲ߘߐ߫ ߕߊ߬ߡߌ߲ ߞߐ߫߸ ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߡߊߞߟߌ߫ ߘߴߊ߬ ߣߌ߫ ߞߊ߲ߕߌ߯ ߛߋߞߎ߬ ߕߎ߬ߙߋ ߓߘߊ ߏ߬ ߡߍ߲ ߕߘߍ߬ ߓߘߊ߫ ߓߐ߫ ߟߌ߬ߤߟߊ ߞߊ߬ߟߊߡߊ߬. ߢߐ߲߯ߦߋ ߏ߬ ߞߵߊ߬ ߕߏ߫ ߊ߬ ߥߊ߫ ߘߊ߫ ߕߎ߬ߙߋ ߝߴߊ߬ ߟߊ߫ ߞߐߞߊ߲߫ ߕߊ߯ߡߊ ߟߎ߬ ߛߘߍߡߊ߲߫ ߘߐ߫ ߞߊ߬ߙߊ߲߬ߠߊ߬ߘߋ߲ ߘߏ߫ ߕߎ߲߬ ߞߊߡߊ߲߫ ߞߊ߬ ߥߴߊ߬ ߝߍ߬ ߡߍ߲ ߠߎ߬ ߘߐ߫.
ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߞߊ߬ߙߊ߲߬ߠߊ߬ߘߋ߲߬ߕߐ ߤߊߞߍ ߘߊߞߘߐ߫ ߔߙߊߜ߭߸ ߘߟߊߘߍߟߌ ߘߏ߫ ߛߋ߲߬ߝߍ߫. ߕߊ߲ߓߊ߲ ߘߐ߫ ߝߟߊ ߡߊߛߓߍߣߍ߲߫ ߦߋ߫ ߞߏ߫ ߢߐ߲߯ߘߍߡߍ߲ ߦߋ߫ ߞߊ߲ߠߊߓߌߟߊ ߛߍ߬ߘߏ߲߬ߠߊ ߟߎ߬ ߓߍ߯ ߦߋ߫.
ߞߊ߬ߙߊ߲ ߣߴߊ߬ ߜߋ߬ߙߋ ߟߐ߲ߞߏ ߘߐ߫ ߋߙߐߔߎ߬ ߞߣߐ߫
߁߉߈߀ ߠߊ߫߸ ߊ߬ ߓߊ߲ ߞߐ ߘߐ߫ ߖߐ߲ߓߐ߲ߦߊ߫ ߟߊ߫ ߘߐ߬ߝߐ ߣߌ߫ ߘߍ߬ߟߐ߲߬ߘߐ߬ߦߊ ߟߎ߬ ߘߐ߫ ߞߊ߲ߞߊ߲߫ ߖߊ߯ߓߘߊ߫ ߗ߭ߎ߳ߟߎߛ ߒߦߙߋߙߋ߫ ߣߌ߫ ߞߐߣߊߞߙߌ߫ ߖߊ߯ߓߘߊ߫ ߜ߭ߡߊߟ ߊߓߑߘߍߟ ߣߊߛߍߙ ߟߎ߫ ߟߊ߫߸ ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߞߊ߬ ߓߊ߲߬ߘߊ߬ߡߌߘߊ ߛߐ߬ߘߐ߲߬ ߊ߬ ߣߌ߫ ߞߵߊ߬ ߟߊߕߊ߯ ߊ߬ ߟߊߞߐ߯ ߞߊ߲ߡߊ߬ ߋߙߐߔߎ߬ ߕߟߋ߬ߓߐ ߘߐ߫. ߛߐ߰ ߞߍ߫ ߘߴߊ߬ ߟߊߘߏ߲߭ ߠߋ߬ ߡߊ߬ ߔߙߊߜ߭ ߖߊ߯ߓߘߊ ߛ߭ߊߙߑߟߌ߫ ߟߐ߲ߘߊ ߟߊ߫ ߤߊߞߍ ߘߊߞߘߐ߫߸ ߊ߬ ߞߊ߬ ߞߏ߲߬ߓߏ ߖߐ߲ߓߐ߲ ߠߋ߬ ߛߐ߬ߘߐ߲߬ ߞߎ߲߬ߞߏ߬ߟߐ߲߬ߘߐ߬ߦߊ ߘߐ߫ ߁߉߈߅ ߟߊ߫. ߁߉߈߇ ߟߊ߫߸ ߊ߬ ߞߵߊ߬ ߟߊ߫ ߞߊ߬ߙߊ߲ ߘߊߓߊ߲߫ ߝߙߌߓߎߙߜ߭ ߟߋ߬ ߊߟߏߡߊ߲ߘߎ߯߸ ߟߐ߲ߞߏ ߕߌߙߌ߲ߠߌ߲ ߘߊߞߘߐ߫ ߡߊߞߛ-ߔߑߟߊ߲ߞ ߘߋ߬ߙߌ߬ߘߊ ߟߋ߬ ߟߊ߫߸ ߞߵߊ߬ ߓߟߏߡߊߞߊ߬ ߡߊ߲߬ߕߏ߲߬ߕߍ ߞߏߟߊߕߐ߲ ߤߊߞߍ ߡߊ߬ ߦߋ߲߬ ߠߋ߫. ߊ߬ ߞߊ߬ ߓߘߍ߬ߓߘߍ߬ߟߌ ߘߍ߬ߟߐ߲߬ߘߐ߬ߦߊ ߞߏ߲߬ߓߏ߬ߦߊ ߖߐ߲ߓߐ߲ ߛߐ߬ߘߐ߲߬ ߊ߬ ߝߍ߬ ߦߋ߲߬ ߠߋ ߝߙߌߓߎߙߜ߭ ߖߊ߯ߓߘߊ ߟߊ߫ ߓߙߌߛߑߜ߭ߎߊ߫߸ ߊ߬ ߞߊ߬ ߞߏ߲߬ߓߏ߬ߦߊ ߖߐ߲ߓߐ߲ ߏ߬ ߛߐ߬ߘߐ߲߬ ߁߉߉߂ ߞߏ߲߲ߓߌߕߌ߮ ߟߋ߬ ߟߊ߫.
ߓߘߍ߬ߓߘߍ߬ߟߌ ߜߋ߬ߙߋ (߁߉߉߀-߂߀߀߀)
ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߞߵߊ߬ ߟߊ߫ ߓߘߍ߬ߓߘߍ߬ߟߌ ߜߋ߬ߙߋ ߘߊߡߌ߬ߣߊ߬ ߊߟߏߡߊ߲ߘߎ߯ ߟߋ߬ ߁߉߀߀ ߟߋ߬ ߟߊ߫. ߊ߬ ߓߊ߲ ߞߐ ߘߐ߫ ߓߊ߯ߙߊ߫ ߟߊ߫ ߖߊ߬ߕߋ߬ߘߐ߬ߛߌ߰ ߘߐ߫ ߡߍ߲ ߦߋ߫ ߕߟߋ߬ߖߌ߰ߞߊ ߟߎ߬ ߣߴߊߝߙߌߞߌ߬ ߟߎ߬ ߟߎ߬ ߕߍ ߕߍߓߊ߯ߦߊ ߟߥߊߟߌ߫ ߟߊ߫ ߡߊߞߛ-ߔߑߟߊ߲ߞ ߘߋ߬ߙߌ߬ߘߊ ߟߊ߫ ߡߊ߲߬ߕߏ߲߬ߕߍ ߞߏߟߊߕߐ߲ ߤߊߞߍ ߘߋ߬ߙߌ߬ߘߊ ߟߊ߫߸ ߊ߬ ߟߊߞߙߐ߬ߛߌ߫ ߘߊ߫ ߦߋ߲߬ ߊ߬ ߣߌ߫ ߞߵߊ߬ ߕߊ߬ ߊߟߏߡߊ߲ߘߎ߯ ߌߛߟߊߞߊ ߟߎ߬ ߟߊ߫ ߘߍ߬ߟߐ߲߬ߘߐ߬ߦߊ ߘߍ߭ ߘߐ߫ ߞߎߡߊߓߏ߲ ߠߊ߫ ߜߋ߬ߟߎ߲߬ߠߌ߲߬ߠߊ ߘߌ߫ ߓߊߝ߭ߌߍߙ. ߊ߬ ߞߊ߬ ߗߋߘߊ ߏ߬ ߟߥߊߟߌ߫ ߟߊ߲ߘ ߘߋ߬ ߙߋߣߊߣߌ߫-ߞߐ߬ߘߎ߮-ߥߍߛߕߑߝߊߟߌ߫ ߕߌ߲߬ߞߎߘߎ߲ ߞߎߡߊߓߏ߲ ߠߊ߫ ߞߐߞߊ߲ߞߏ ߟߎ߬ ߟߊ߫ ߞߏ ߟߎ߬ ߟߥߊߟߌ ߘߍ߬ߘߊ ߟߋ߬ ߞߣߐ߫.
ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߦߋ߫ ߟߌߓߋߙߌߦߊ߫ ߞߵߊ߬ ߕߘߍ߬ ߊ߬ ߦߋ߫ ߞߏߕߌ߮ߦߊ ߟߊ߫ ߟߌߓߋߙߌߦߊ߫ ߣߊ߲߬ߕߊ߲߬ ߞߟߍ ߕߎ߬ߡߊ ߟߊ߫.
߁߉߉߂ ߟߊ߫߸ ߞߵߊ߬ ߕߘߍ߬ ߖߌ߬ߣߍ߫ ߓߘߍ߬ߓߘߍ߬ߟߌ߬ ߞߊ߲ߞߋ ߟߊߓߌ߬ߟߊ߬ ߛߊ߲߬ ߞߎߘߊ ߦߋ߫ ߊ߬ ߣߌ߫ ߞߙߎߞߊߥߙߍߦߊ ߘߊߘߐߓߍ߲߬ ߛߊ߲ ߦߋ߫߸ ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߘߏ߲߬ ߘߊ߫ ߖߌ߬ߣߍ߬ ߞߵߊ߬ ߟߊ߫ ߓߘߍ߬ߓߘߍ߬ߟߌ߬ ߞߙߎߞߊ ߜߘߌ ߛߌ߰߸ ߡߍ߲ ߕߐ߯ ߦߋ߫ ߞߏ߫ ߝߊ߬ߛߏ ߟߊߞߎߘߦߊ ߢߌ߲߬ߧߊ («(ARENA)» l’Alliance pour le Renouveau National)߸ߡߍ߲ ߛߘߌ߬ߣߍ߲߬ ߦߋ߫ ߡߐ߬ߟߐ߲߬ ߘߌ ߟߊ߫ ߢߣߊߡߦߊ ߞߍߢߐ߲߯ߝߍ ߡߊ߬ ߝߘߌߝߘߌ߫߸ ߞߏߘߐߞߏߦߊߕߏ߸ ߊ߬ ߣߌ߫ ߖߐ, ߊ߬ ߥߊ߫ ߘߴߊ߬ ߢߊ ߟߊߕߵߊ߬ ߘߏ߲߬ ߕߎߡߊ ߟߊ߫ ߖߌ߬ߣߍ߬ ߞߊ߬ ߥߴߊ߬ ߝߊ߬ߛߏ ߖߌ߬ߣߍ߫ ߝߘߊߝߘߊߣߍ߲ ߕߘߍ߬ ߛߌߦߊ ߟߎ߬ ߘߌ߫߸ ߊ߬ ߞߊ߬ ߞߙߎߞߊߥߙߍߦߊ ߦߋ߫ ߞߏ߫ ߖߘߐ߬ߡߊ߬ߓߊ ߟߋ߬ ߘߌ߫ ߝߐߢߐ߲߯ߞߐ ߏ߬ ߘߐ߫. ߊ߬ ߞߊ߬ ߓߘߍ߬ߓߘߍ߬ߟߌ߬ ߞߙߎߞߊ ߡߍ߲ ߛߌ߲ߘߌ߫ ߏ߬ ߞߵߊ߬ ߟߊ߫ ߗߋߦߊߟߌ ߓߊߖߎߡߊ ߞߍ߫ ߝߊ߬ߛߏ߬ߘߋ߲ ߠߎ߬ ߕߍ߯ߘߐߓߍ߲ ߣߌ߫ ߣߴߊ߬ߟߎ߬ ߟߊߞߊ߬ߝߏ ߟߋ߬ ߘߌ߫. ߊ߬ ߘߏ߲߭ ߞߐ ߘߐ߫ ߝߊ߬ߛߏ߬ ߜߙߊ ߟߊ߫ ߁߉߉߅ ߟߊ߫ ߖ.ߓ.ߞ-ߊ.ߓ.ߟ ߟߊ߫ ߓߋߟߋ߲ߠߊ ߘߌ߫ ߞߵߊ߬ ߕߘߍ߬ ߊ߬ ߟߊ߫ ߞߙߎߞߊ ߞߙߎߝߊߣߍ߲߫ ߕߘߍ߬ ߦߴߏ߬ ߡߍ߲ ߝߍ߬߸ ߊ߬ ߞߍ߫ ߘߊ߫ ߝߊ߬ߛߏ߬ ߜߙߊ ߞߊ߲ߕߌ߯ ߓߌߙߏ߬ ߖߊߟߏ߫ ߟߊߟߌߟߊ ߘߌ߫ ߛߋ߲߬ߧߊ߬ ߘߊ߲ߘߐ߫ ߢߐ߲߮ ߞߐ߫߸ ߊ߬ ߣߌ߫ ߡߊ߲߬ߕߏ߲߬ߕߍ ߣߝߊ߬ߢߐ߲߰ߦߊ ߓߏߟߏ߲ߝߘߊ ߞߎ߲߬ߕߌ߮ ߞߎ߲߬ߕߌ߮ ߘߌ߫. ߟߊ߲߬ߛߣߊ߬ ߞߐ߲ߕߍ߬ ߞߵߊ߬ ߕߐ߯ߦߊ߫ ߁߉߉߇ ߟߊ߫ ߟߊ߬ߞߊ߲߬ߘߊ߬ߟߌ ߞߏߕߌ߮ ߘߌ߫. ߊ߬ ߟߊ߫ ߟߐ߲߬ߞߋ߬ߟߊ ߞߍ߫ ߘߊ߫ ߕߌ߲߬ߞߎߘߎ߲ ߝߐߢߐ߲߯ߞߐ ߟߎ߬ ߕߎ߬ߡߊ ߟߋ߬ ߟߊ߫ ߡߍ߲ ߠߎ߬ ߕߘߍ߬ ߓߘߊ߫ ߕߌ߲߬ߞߎߘߎ߲ ߝߛߏ߬ߝߛߊ߫ ߟߌߓߋߙߌߦߊ߫ ߣߌ߫ ߛߙߊ߬ߟߏ߲߬ ߠߎ߫ ߘߐ߫߸ ߏ߬ ߟߎ߬ ߡߍ߲ ߠߎ߬ ߦߋ߫ ߖߌ߬ߣߍ߫ ߛߌ߰ߢߐ߲߰ ߖߡߊߣߊ ߟߎ߬ ߘߌ߫. ߞߵߊ߬ ߕߏ߫ ߟߊ߬ߞߊ߲߬ߘߊ߬ߟߌ ߞߏߕߌ߯ߦߊ ߟߊ߫߸ ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫ ߞߊ߬ ߟߊ߬ߡߎ߬ߙߎ߲߬ߕߌ߬ߟߌ ߛߊ߯ߘߊ ߟߊߖߍ߲ߛߍ߲߫ ߊ߬ ߣߌ߫ ߞߊ߬ ߛߌߟߊߕߍߒߢߍߟߌ (ߞߊ߬ ߛߌߟߊ ߕߍ߰ ߞߏ ߢߍ߫ ߛߴߊ߬ ߞߊߣߊ߬ ߛߓߊ߬ߕߌ߫ «répression») ߟߐ߬ߘߎ߮ ߛߊ߫ ߞߵߊ߬ ߟߊ߫ ߖߡߊ߬ߣߊ ߟߊߞߊ߲ߘߊ߫. ߊ߬ ߓߙߐߕߐ߫ ߘߊ߫ ߂߀߀߀ ߟߊ߫߸ ߏ߬ ߞߵߊ߬ ߞߘߊߡߊ߫ ߢߊߣߌ߲ߡߊߓߏߙߌ ߟߴߊߟߌߝߊ߫ ߞߏ ߓߐ ߞߐ ߘߴߌ ߟߊ߫.
This article uses material from the Wikipedia ߒߞߏ article ߛߋߞߎ߬ ߞߎ߬ߙߊ߬ߌߛߌ߫ ߞߐ߲ߘߍ߫, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.