Wendland
Dit Woort hett noch annere Bedüden: kiek dorför ünner Wendland (Mehrdüdig Begreep).
Dat Wendland is ene Landschop in Neddersassen, in’n Landkreis Lüchow-Dannenbarg.
In dat Wendland leven fröher de Polaben (Wenden). Jemehr polabsche Spraak hett ok düüdlich op de plattdüütsche Spraak, de hüüt blangen dat Hoochdüütsche Volksspraak is, inwarkt. Ok de Rundlingsdörper in’t Wendland kaamt vun de Polaben af. Gifft noch sowat 100 Dörper, de disse Form hebbt. In’t 12. Johrhunnert hebbt sik in’t Wendland de eersten nedderdüütschen Siedlers ansiedelt un ganz suutje de polabsche Spraak un Kultur verdrängt. De polabsche Spraak sülvs is üm un bi 1725 utstorven.
Wat genau allens to’t Wendland höört, warrt verscheden sehn. De Karn is de ole Kreis Lüchow, vun’n olen Kreis Dannenbarg tellt de Lucie oder de ganze Kreis dorto. De Snakenbörger Winkel warrt faken nich dortorekent, selten warrt aver ok de Noorden vun de Ooltmark bi Soltwedel dortotellt.
This article uses material from the Wikipedia Plattdüütsch article Wendland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.