Sisteme Operatîf
Un sisteme operatîf (in curt SO o OS) al è un program informatic che al rint disponibii al utent lis risorsis fisichis di un calcoladôr, permetint cussì l'esecuzion di altris programs aplicatîfs: si pues cussì dî che un sisteme operatîf al è il tramit fra l'utent e la machine.
Struture
Il cûr di un SO al è il kernel, un grôp di funzions che furnissin servizis fondamentai di bas nivel alis aplicazions, a mieç di une disponibilitât direte alis risorsis fisichis dal calcoladôr.
Il SO devi ancje gestî il file system, ven a stai l'organizazion fisiche dai dats di archiviâ su memoriis permanens (Disc dûr, penutis di memorie Flash, discs a stât solit).
Il SO gestis la memorie e le assegne ai diviers proces, pemetint cussì l'esecuzion in paralel di plui aplicatîfs (SO multitasking).
Infin, il SO devi organizâ la comunicazion cun l'utent, ancje clamade input/output: ogni SO al à la sô UI (interfacje utent) par interagjî cun l'utent in modalitât visual (rie di comant, ambient grafic) e sonore (schede audio).
Esistin diviers servizis adizionâi che un SO al pues furnî, e soredut diferentis architeturis e strategjis, che rindin il mont dai SO una vore complès e verglemât.
Esemplis
Esemplis di SO son i sistemis da famee Unix, lis variis distribuzions di GNU/Linux, i sistemis Microsoft Windows, Solaris, il MAC OS.
This article uses material from the Wikipedia Furlan article Sisteme operatîf, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contignût al è disponibil sot de licence CC BY-SA 4.0 se nol è specificât in altre maniere Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Furlan (DUHOCTRUNGQUOC.VN) is an independent company and has no affiliation with Wiki Foundation.