Tegla Loroupe

mai">9. mai 1973) er ein kenyansk tidlegare langdistanseløpar.

Loroupe enda i VM 1993 på fjerdeplassen på 10 000 meter, utan å truge medaljevinnarane. To år seinare tok ho bronsen på distansen under VM i Göteborg. Både i 1997, 1998 og 1999 vart ho verdsmeister i halvmaraton. I 1999 sikra ho seg ein ny VM-bronse på 10 000 meter og flytta samstundes den personlege rekorden til 30.32,0. Året etter vart ho nummer fem i milløpet ved OL 2000 i Sydney.

Perioden 1994-2004 sigra Loroupe i ei rad store maratonløp; New York, Rotterdam, Berlin, Roma, London, Lausanne, Köln og Leipzig. I april 1998 sletta ho den 13 år gamle verdsbestetida til Ingrid Kristiansen i maraton då ho vann Rotterdam maraton på tida 2.20.47, ei rekordtid som gjaldt i vel tre år.

Medaljar og plasseringar i internasjonale meisterskap

• OL 1992 i Barcelona: Nr 17 på 10 000 m – 32.53,0
• VM 1993 i Stuttgart: Nr 4 på 10 000 m – 31.29,9
• VM 1995 i Göteborg: Bronsemedalje på 10 000 m – 31.17,6
• OL 1996 i Atlanta: Nr 6 på 10 000 m – 31.23,2
• VM 1997 i Aten: Nr 6 på 10 000 m – 32.00,9
• VM 1999 i Sevilla: Bronsemedalje på 10 000 m – 30.32,0
• OL 2000 i Sydney: Nr 5 på 10 000 m – 30.37,2 og nr 13 i maraton – 2.29.45
• VM 2005 i Helsinki: Nr 40 i maraton – 2.39.58