Sjukehusinfeksjon
Sjukehusinfeksjon eller nosokomiell infeksjon er infeksjonar som oppstår ved helseinstitusjonar som sjukehus, sjukeheimar og liknande.
Dei kan råka både pasientar og helsearbeidarar.
Ignaz Semmelweiss peika på rolla til sjukehus og legar som smitteberarar i 1847. For å hindra sjukehusinfeksjonar er svært strenge hygienereglar viktige, i tillegg til å kunna isolera pasientar med smittsame sjukdommar og varsam bruk av antibiotika for å hindra vekst av resistente bakteriar.
Den vanlegaste bakterien bak sjukehusinfeksjon er gule stafylokokkar (Staphylococcus aureus). Andre bakterietypar ein ofte knyter til slike infeksjonar er Escherichia coli og Klebsiella.
Sjukehusinfeksjonar kan delast inn i tolv hovudgrupper:
- urinvegsinfeksjon
- luftveisinfeksjon
- gastroenteritt
- postoperative sårinfeksjonar
- andre hudinfeksjonar
- intraabdominale infeksjonar
- osteomyelitt
- blodforgifting
- hjernehinnebetennelse
- luftrøyrsinfeksjon
- nyfødde-infeksjonar
- andre infeksjonar
Kjelder
- Schichtling, Ellen, «sykehusinfeksjon (SML-artikkel)», Store medisinske leksikon (SML)
This article uses material from the Wikipedia Nynorsk article Sjukehusinfeksjon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.