It's A Hard Life

«It's a Hard Life» er ein song av det britiske rockebandet Queen, skriven av frontmannen Freddie Mercury. Songen vart gjeven ut i 1984 på albumet The Works, og var den tredje singelen frå albumet. Singelen nådde sjetteplassen på UK Singles Chart og var den tredje topp 10-plasseringa deira frå albumet. Han nådde òg andreplassen i Irland og 20. plassen i Nederland. Songen kom på 19. plassen på ei landsomfattande rundspørring av TV-kanalen ITV over favorittlåten til sjåarane av Queen i 2014.

Opningsteksten og melodien frå «It's a Hard Life» er basert på linja «Ridi, Pagliaccio, sul tuo amore infranto!» (Laugh, clown, at your broken love!) frå «Vesti la giubba», ein arie frå Ruggero Leoncavallo-operaen Pagliacci.

Musikalsk gjenskapar songen kjensla frå «Play the Game» for å oppdatere soga, og nyttar pianoet til Mercury og den karaterisiske teknikken til bandet med å legge lag på lag med harmonivokal. Songen er spelt inn med mykje av den same etosen frå tidlegare Queen-album sidan dei ikkje brukte synthesizerar på songen.

Tim Pope regisserte musikkvideoen i ein operaaktig «stil», der bandet opptrer i operaaktige kostyme. May spelar på ein spesiallaga «skalle- og bein»-gitar, som ein òg kan sjå på singelomslaget.

Bandet syntest kostyma var varme og ukomfortable og dei andre gjorde narr av augo på kostymet til Mercury, som dei meinte såg ut som «ei enorm reke». Både Brian May og Roger Taylor stønna høgt på kommentorsporet til videoen på Greatest Video Hits 2. Taylor sa det var «den mest idiotiske musikkvideoen som var laga.» May meinte videoen var ironisk. Taylor sa at han «likte songen særs godt, men hata videoen».

Ein av statistane i videoen er den tyske skodespelaren Barbara Valentin.

• Freddie Mercury - solo- og korvokal, piano
• Brian May - elektrisk gitar, korvokal
• Roger Taylor - trommer, korvokal
• John Deacon - bassgitar

• Live in Rio (VHS)
• We Are the Champions: Final Live in Japan (DVD)