But I Like It It’s Only Rock ’N’ Roll
| It’s Only Rock ’n’ Roll (But I Like It) Singel av The Rolling Stones frå albumet It's Only Rock 'n' Roll | ||
| Utgjeve | 1974 | |
| Innspelt | 1974 | |
| Sjanger | Rock | |
| Lengd | 5:07 | |
| Selskap | Rolling Stones/Virgin | |
| Tekstforfattar | Mick Jagger | |
| Låtskrivar(ar) | Jagger/Richards | |
|---|---|---|
| Produsent | The Glimmer Twins | |
| The Rolling Stones-kronologi | ||
| «Doo Doo Doo Doo Doo (Heartbreaker)» (1973) | It’s Only Rock ’n’ Roll (But I Like It) | «Ain't Too Proud to Beg» (1974) |
«It's Only Rock 'n Roll (But I Like It)» er ein song av det britiske rockebandet The Rolling Stones, og tittelsporet og første singelen frå albumet It's Only Rock 'n' Roll frå 1974. .
Innspeling og inspirasjon
Songen vart spelt inn seint i 1973 og gjort ferdig våren 1974, og er tislskriven Mick Jagger og Keith Richards, sjølv om den framtidige Rolling Stones-gitaristen Ronnie Wood samarbeidde med Jagger på songen. Songen vart opphavleg spelt inn ein kveld i studioet til Wood heime hos han i Richmond i London. David Bowie var korsongar, Willie Weeks spelte bass og Kenney Jones trommer. Songen på albumet liknar originalinnspelinga og Stones nytta det opphavlege rytmesporet.
Utgjeving
Songen kom ut i juli 1974 og nådde sekstandeplassen i USA og tiandeplassen i Storbritannia. B-sida var balladen «Through the Lonely Nights», som ikkje vart gjeven ut på album før samlinga Rarities 1971-2003 i 2005.
Det vart spelt inn ein musikkvideo for «It's Only Rock 'n Roll (But I Like It)», regissert av Michael Lindsay-Hogg, der bandet er kledde i matrosdressar og spelar inne i eit telt som gradvis vert fylt med såpebobler. Videoen var ein av dei siste framføringane Mick Taylor gjorde med bandet.
The Rolling Stones har spelt songen mykje på konsertar, men ofte i ein annan toneart enn på studioutgåva. Han finst på konsertalbuma Love You Live (1977) og Live Licks (2004).
Salslister
| Liste (1974) | Plassering |
|---|---|
| Canada Top Singles (RPM) | 13 |
| Tyskland (Media Control AG) | 36 |
| Irland (IRMA) | 6 |
| Nederland (Mega Single Top 100) | 13 |
| Noreg (VG-lista) | 8 |
| UK Singles (Official Charts Company) | 10 |
| US Billboard Hot 100 | 16 |
Andre utgåver
Songen er spelt av mellom andre Twisted Sister. Tina Turner spelte songen på 50-årsjubileumsturneen hennar i 2008-2009.
Kjelder
Bakgrunnsstoff
This article uses material from the Wikipedia Nynorsk article It’s Only Rock ’n’ Roll (But I Like It), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.