Bellatrix
Bellatrix, eller i Bayer-nemning Gamma Orionis (γ Ori, γ Orionis), er den tredje mest lyssterke stjerna i stjernebiletet Orion, 5° til høgre for den raude kjempestjerna α Ori (Betelgeuse).
Ho er like mellom første og andre storleiksorden, og er den 27. mest lyssterke stjerna på nattehimmelen.
  Location of γ Orionis (circled) | |
| Observasjonsdata Epoke J2000 Ekvinoks J2000 | |
|---|---|
| Stjernebilete | Orion |
| Rektascensjon | 05h 25m 07.86325s |
| Deklinasjon | +06° 20′ 58.9318″ |
| Tilsynelatande storleiksklasse (V) | 1.64 |
| Karakteristikk | |
| Spektralklasse | B2 III |
| U−B fargeindeks | –0.86 |
| B−V fargeindeks | –0.21 |
| Variabel type | Eruptive[treng kjelde] |
| Astrometri | |
| Eigarørsle (μ) | RA: –8.11 mas/år Dek.: - mas/år |
| Parallakse (π) | 12.92 ± 0.52 mas |
| Avstand | 250 ± 10 ly (77 ± 3 pc) |
| Detaljar | |
| Masse | 8.4+0.3−0.1 M☉ |
| Radius | 6 R☉ |
| Luminositet | ~6,400 L☉ |
| Overflategravitasjon (log g) | 3.60 cgs |
| Temperatur | 22,000 K |
| Rotasjonssnøggleik (v sin i) | 46 ± 8 km/s |
| Andre namn | |
Eigenskapar
Bellatrix er ei massiv stjerne med ein masse på kring 8,4 gonger solmassen. Den estimerte alderen er kring 20 millionar år; gammal nok for ei stjerne av denne massen til å konsumere hydrogen i kjernen og starte å utvikle seg bort frå hovudserien til ei kjempestjerne. Effektiv temperatur i den ytre atmosfæren av stjerna er 22 000 K, som er langt varmare enn 5 778 K på sola. Dene høge temperaturen gjev stjerna ein blåkvit farge som er vanleg for klasse B-stjerner. Den målte vinkeldiameteren til stjerna, etter korreksjon for kantformørking, er 0.72 ± 0.04 mas. Med ein estimert distanse til sola på 250 lysår, gjev dette ein fysisk storleik som er kring seks gonger så stor som solradien.
Namn
Namnet Bellatrix er latinsk for «kvinnekrigar», og var først omtalt i verka til Abu Ma'shar al-Balkhi og Johannes frå Sevilla. Namnet refererte opphavleg til Capella, men vart overført til Gamma Orionis av astronomane i Wien på 1400-talet. Ho vart òg kalla Amasonestjerna, som Richard Hinckley Allen føreslo var ei laus omsetjing frå det arabiske namnet Al Najīd, erobraren.
Kjelder
This article uses material from the Wikipedia Nynorsk article Bellatrix, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.