Early Morning Rain

«Early Morning Rain» (stundom «Early Mornin' Rain») er ein song skriven og innspelt av den kanadiske songar-låtskrivaren Gordon Lightfoot. Songen kom ut i 1966 på debutalbumet hans Lightfoot! og i ein nyinnspelt versjon i 1975 på samlealbumet Gord's Gold.

Lightfoot skreiv songen i 1964, men opphavet til songen var ei reise han gjorde til Westlake i Los Angeles i 1960. På denne tida hadde Lightfoot heimlengsel og brukte å dra ut til Los Angeles lufthamn på regndagar for å sjå på flya. Biletet av flya som tok av og forsvann i skyene var framleis med han i 1964 då han passa på den fem månader gamle sonen sin og tenkte «Eg skal legge han i vogga si og skrive ein song». «Early Morning Rain» vart resultatet.

Den kanadiske ektefolkduoen Ian & Sylvia var blant dei første som gav ut denne songen i 1965. Det tok over eit år før Lightfoot spelte inn og gav ut sin versjon i 1966. Grateful Dead spelte òg inn songen i 1965. Funk supergruppa Cameo har ofte spelt songen på konsertane sine som ei hyllest til Lightfoot. We Five gav ut ein versjon av songen i 1970 på albumet Catch the Wind.

Hitsinglar

• 1965 – Peter, Paul and Mary - 91. plass på Billboard Hot 100
• 1966 – George Hamilton IV - 9. plass på country chart
• 1971 – Oliver, Prism - 38. plass på adult contemporary chart og 124. plass på Billboard Hot 100
• 2005 – Paul Weller - 40. plass i Storbritannia

På hitalbum

• 1965 – Ian & Sylvia, Early Morning Rain - 77. plass på Billboard 200
• 1965 – Judy Collins, Fifth Album - 69. på Billboard 200
• 1965 – Peter, Paul and Mary, See What Tomorrow Brings - 11. plass på Billboard 200
• 1966 – Chad & Jeremy, [[]] - 61. plass på Billboard 200
• 1966 – George Hamilton IV, Steel Rail Blues - 3. på Country Albums chart
• 1967 – Roy Drusky, Now is a Lonely Time - 31. på USA Country.
• 1970 – Bob Dylan, Self Portrait - 4. plass på Billboard 200
• 1971 – Jerry Reed, Ko-Ko Joe - 153. plass på Billboard 200, 7. plass på Country Albums
• 1972 – Elvis Presley, Elvis Now - 43. plass på Billboard 200
• 1973 – Jerry Lee Lewis, The Session - 37. plass på Billboard 200
• 1975 – Gordon Lightfoot, Gord's Gold - 34. plass på Billboard 200
• 1977 – Elvis Presley, Elvis in Concert - 5. plass på Billboard 200
• 2004 – Wendy Matthews, Café Naturale - 42. plass på Australian Album Charts