Al Khor

Det arabiske namnet Al Khawr tyder bukt. Al-Khor by ligg på nordaustkysten av Qatar, kring 50 kilometer frå hovudstaden Doha og vert rekna som ein av dei store byane i Qatar.

Al Khor
الخور
kommune
Al Khor-tårnet
Land	Qatar
Koordinatar	25°41′N 51°31′E / 25.69°N 51.51°E / 25.69; 51.51
Hovudstad	Al Khor by
Areal	1 638,2 km²
Folketal	213 628  (2010)
Folketettleik	130 / km²
Tidssone	Austafrikansk tid (UTC+03)
Al Khor 25°46′00″N 51°19′00″E / 25.76667°N 51.31667°E / 25.76667; 51.31667
Al Khor i Qatar
Wiki Commons: Al Khor

Al Khor vart styrt av Al Muhannadi-stamma før sjølvstendet til Qatar i 1971 og vert det framleis. Ein trur at Al Muhannadi-stamma som bur i Al Khawr, oppstod seint på 1800-talet og bestod av sju beduinfamiliar. I dag er dei fleste innbyggjarane i Al-Khawr frå denne stamma. I forhold til turisme er byen kjend for strandhotellet Al-Sultan, eit palass som vart omgjort til hotell, og for dei mange moderne og historiske moskéar. Hovudnæringa i byen er fiske. Den største fotballklubben i byen er Al-Khor SC, som spelar på Al-Khor SC stadion.

Byen Al Khor ligg 50 kilometer frå sentrum av Doha og mange innbyggjarar her dreg til Al Khor på helgetur. Byen ligg på austkysten, nord for Doha og var tidlegare kjend som eit senter for perleindustrien. Her er òg ei hamn med fiskebåtar og småfartøy. Byen har flotte strender og historiske tårn.

Namnet Al Khor tyder «havbukt», og bukta i Al-Khor er ei av dei største i Qatar. Bukta ligg på austkysten av Qatar-halvøya . Gjennom åra har bukta vore karakterisert av den enkle og vakre naturen, sjøen, stranda og ørkenen.

Gass- og oljeselskap held til i industriområdet Ras Lafan nær Al Khor by og Al Thakhira. Kommunen har teke ansvar for gjere Al Khor rein og miljøvennleg.

Al Khor kommunen vart skipa i 1972 og styrer byen Al Khor i tillegg til andre busetnader i kommunen. Al Khor kommune er delt inn i følgjande administrative soner:

I dag er han rekna som ein av dei største byane i Qatar med alle moderne tenester som skular, klubbar og General Shamal sjukehus. Eit av dei største olje- og gassanlegga verda ligg i Al-Khor, med Qatar Company for Natural Liquefied Gas, Ras Lafan Company for Natural Liquefied Gas og mange andre petrokjemiske selskap, raffineri, avsaltingsverk og anna. Kvart selskap har ei miljøavdeling for å ivareta miljøet i området.

•  
  Nærbilete av Al Khor-tårnet
•  
  Mangroveøy ved Al Thakhira i Qatar
•  
  Vegetasjon på Al Khor-øya.
•  
  Al Thakhira-stranda i Qatar