Me Föna Me Ide'idedo sambua zinunö nifa'oli ndra Band Simaenaria moroi ba Lahewa ba ndröfi 1972.
No ifa'anö zinunö andre ba Internet talifusöda Klaus Sturm irege tola tafondrondrongo ia yaŵa ba YouTube. Höndrögö ba da'a wamondrondrongo ya'ia.
Mö luo da'ö mohalöŵö Klaus ba wamazaewe Taroma Li ba danö Lahewa me ifazökhi Band Simaenaria (1972-1976) faoma ira talifusö moroi ba Danö Niha:
Sinunö andrö no tehöngö sibai ba zi sagörö Tanö Niha irege lawalinga niha sinunö andrö no ni'a'azökhi Nono Niha. Ba hiza sindruhunia sinunö andre no ni'a'azökhi Huddie Ledbetter moroi ba Amerika ba ndröfi 1940. Me i'ali zinunö andre Martin Zebua ba Li Niha, lö aröu fabö'ö nösinia moroi ba Cotton Fiels nisura Huddie Ledbetter. Börö da'ö tola taŵa'ö sinunö andre no ni'ali tenga nifasao.
Höndrögö ba da'a wamaigi foto ndra Band Simaenaria na manunö ira.
Me föna, mö ide-idedo
Ilu'ido inagu
Itörö tödögu ninagu
Me möiga sa ba nowima
Aröu danö ma fasui
Itörö tödögu ninagu
ref:
Si yaŵa ba hili salaŵa
So nosema si numana
Itörö tödögu ninagu
Ufaigi ufakhölödo
U'ila nasi ba zaröu
Itörö tödögu ninagu
Nitöngöni: Boto zinunö andrö no tehalö moroi ba niasonline.net Archived 2020-01-28 at the Wayback Machine, ba hiza so ma'ifu zi fabö'ö lala li (Aröu danö ma fasui tenga Matörö danö wa aröu) börö me da'ö nirongoda bakha ba zinunö moroi ba YouTube.
This article uses material from the Wikipedia Li Niha article Me Föna Me Ide'idedo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.