Lofo ya'ia da'ö fa'ambö balazo ni'a sero ma'ökhö eluaha ba Li Indonesia musim kelaparan.
Ba ginötö me föna no irai alua mbaŵa lofo sabölö-bölö ya'ia da'ö lö tesöndra mbalazo simane fakhe, gowi, gowirio, gae, talö, ba tanöbö'önia ba Danö Niha, irege ato niha safuo ba so göi zimate börö wa'olofo, simanö nidunö-dunö ndra satua si no alua ba zi lalö.
Inötö lofo ma lafotöi ia "Bawa Lofo" alua ia na no irugi mbaŵa wa'abasaki ba zi hauga banua sifahatö ba simanö göi mbanua ba zitefasui, basaki ma lö tesondra gowöliwa mbalazo. Duma-dumania ba zi sambu-sambua banua ma ba zisambua soi, ilau lökhö mato döfi wa'ara, lua-luania oköli danö, basaki tesöndra nidanö. Na alua zimanö fefu zohalöŵö ba danö a'oi fa'ala'alai dödö, me tebai mananö fakhe ba laza, rokomö fefu zinanö agaleu mbulu lö mowua börö walö idanö, simanö göi zangai gitö lö kalua gitö hafea me'oköli mangaruru mbulu. Hadia zalua fa'abudödö me a'oi agafuo ba oya zimate gurifö ba simanö göi niha börö melö tesöndra mbalazo ni'oguna'ö. Da'ö zi no agalua ba zi no numalö ba irugi mane ma'ökhö.
Si so khöda böi muhori-horigö, mu'angeragö hadia zoguna mahemolu khöda, si so bolo mbenua tanö zinanö hadia manö sitola mu'a taha-taha wa'olofo ba ginötönia dania.
This article uses material from the Wikipedia Li Niha article Lofo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Li Niha (DUHOCTRUNGQUOC.VN) is an independent company and has no affiliation with Wiki Foundation.