अबू अब्दल्लाह मुहम्मद इब्न मूसा अल-ख़्वारिज़्मी (अरबी: عَبْدَالله مُحَمَّد بِن مُوسَى اَلْخْوَارِزْمِي, अंग्रेजी: Muḥammad ibn Mūsā al-Khwārizmī; बुगु: करिब ७८० ई; मदूगु: करिब ८५० ई), पाश्चात्य देशय् गलतीं अल्गोरित्मी (Algoritmi) व अलगौरिज़िन (Algaurizin) नं धाइगु या, छम्ह इरानी-मूलया गणितज्ञ, खगोलशास्त्री व भूगोलविद् ख। वय्कः व ईया नांजाःगु 'बग़दादया विस्डम हाउस (बुद्धिगृह)' नाप स्वापू दूम्ह मनु ख।
वय्कःया १२गु शताब्दीया भारतीय ल्याखँया छुं कृतित लातिन भाषाय् भाय्हिला जुया भारतीय ल्या व दशमलव प्रणाली पाश्चात्य हलिंइ थ्यन। वय्कःयात युरोपय् बीजगणित (अल्जेब्रा)या जन्मदाता धका नालेगु यासां लिपा लुयावःगु तथ्य कथं वय्कःया च्वखँ वास्तवय् प्राचीन भारतीय व यवन स्रोतं वःगु खनेदु। वय्कलं टोलेमीया भौगोलिक कृतियात विस्तृत याना अरबीइ भाय्हिला छ्वयादिल। अंग्रेजीया कम्प्यूटर-स्वागु 'अल्गोरिदम' (algorithm) खँग्वः वय्कःया हे नामं वःगु खँग्वः ख। थ्व कथं हे वय्कलं थःगु गणितया सफूलि आपालं 'अल-जब्र' (الجبر) खँग्वः च्वइगु यानादिल गुकिया अर्थ 'पूर्व अवस्थाय् यंकिगु' वा 'बहाल यायेगु' ख। थ्व अपभ्रंश जुया 'अल्जेब्रा' (algebra) जुवन गुकिया अंग्रेजीइ अर्थ 'बीजगणित' ख।
विकिमिडिया मंका य् थ्व विषय नाप स्वापु दुगु मिडिया दु: Muhammad ibn Musa al-Khwarizmi |
This article uses material from the Wikipedia नेपाल भाषा article मुहम्मद इब्न मूसा अल-ख़्वारिज़्मी, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.