माइकल ज्याक्सन छम्ह नांजाम्ह गायक ख। वय्कःयात 'पप सम्राट'या नामं नं म्हसीकिगु या। वय्क सन् १९५८ अगस्त २९य् बुगु ख। सन् २००९य् न्यय्दँ ज्याक्सन नूगचूया ल्वंचं कयाः मदुगु खः।
वय्कःया नांजाःगु एल्बमय् 'थ्रीलर', 'ब्याड', 'अफ द वाल', 'बिली जोन' आदि ला। सन् १९८२य् पिंहावःगु 'थ्रीलर' नांया एल्बम अत्याधिक विक्रि जूगु अल्बम कथं कयातःगु दु । उगु एल्बम ५ करोड प्रति बिक्रि जूगु खः । वय्कः थःगु प्याखं ल्हुइगु कलां व 'मूनवाक डान्स'या निंतिं नं नांजा ।
वय्कलं थःगु सांगीतिक यात्राया शुरुवात ९दँ दुवलये यानादिल। ज्याक्सनं अबिले 'ज्याक्सन फाइब' नांया सांगीतिक पुचः पाखें दकले न्हापा सन् १९६०स सांगीतिक ख्यलय् पलाः तःगु खः। वय्कःया दक्ले न्हापांगु एल्बम सन् १९७२य् रेकर्ड जूगु ख। थःगु जीवनय् वय्कलं झिंस्वंगु ग्र्यामी अवार्ड त्याकेधुंकूगु दु ।
सन् १९९४य् ज्याक्सनंएल्भिस प्रेस्लीया म्हाय् लिजा मेरी प्रेस्लीनाप थःगु जीवनया न्हापांगु ईहिपा याःगु खः। उकीया निदँ लिपा हे निम्हतिपुया सम्बन्ध विच्छेद जुल। थ्व धुंका वय्कलं डेबी रानाप ईहिपा याःगु खः । थ्व ईहिपा सन् १९९९य् सम्बन्ध विच्छेदया रुकय् क्वचाल।
सन् २००३य् ज्याक्सनया जीवनय् आधारित छगू टिभि डकुमेन्ट्रीलय् मस्तय्त यौन दुर्व्यवहार याःगु क्यनेवं वय्कः विवादय् लात। थ्वहे द्वपंनय् सन् २००५य् वय्कःयागु विरोधय् मुद्दा दर्ता याःगु खः । प्यलाः तक मुद्दाय् बहस लिपाः ज्याक्सनयात अदालतं सफाई ब्यूगु खः ।
विकिमिडिया मंका य् थ्व विषय नाप स्वापु दुगु मिडिया दु: Michael Jackson |
This article uses material from the Wikipedia नेपाल भाषा article माइकल ज्याक्सन, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.