World Athletics
De World Athletics (Weltlichtathletikverband) is de Dackverband vun all natschonale Sportverbännen för Lichtathletik.
Se is an’n 17. Juli 1912 op en Kongress in Stockholm vun Afsennte ut 17 Länner as International Amateur Athletics Federation (IAAF) grünnt worrn.
Opstunns höört 214 Liddmatenverbännen to World Athletics, de siet Oktober 1993 ehrn Sitt in Monaco hett. Vördem weer dat Büro in London ünnerbröcht. Präsident vun World Athletics is aktuell Sebastian Coe ut Grootbritannien, de dat Amt in’n August 2015 vun sien Vörgänger Lamine Diack övernahmen hett.
Opgaven
Dat wichtigste Opgavenfeld vun de International Association of Athletics Federations is dat Standardideren vun Methoden to’n Tietmeten un vun Rekorden. World Athletics is butendem Utrichter vun tallrieke internatschonale Lichtathletik-Wettstrieden, so as de Lichtathletik-Weltmeesterschoppen (siet 1983). Bito föhrt un wohrt de IAAF de Listen vun de offiziellen Weltrekorden.
In’t Johr 1982 hett World Athletics ehr Statuten ännert, üm för de Athleten de Mööglichkeit intorichten, för jemehr Deelnahm an internatschonale Veranstalten Opwandsentschädigungen to kriegen. Bi den Kongress 2001 is denn as logischen Schritt de Begreep Amateur ut’n Naam streken worrn, un de Verband kreeg den Naam International Association of Athletics Federations.
As de Verband in’t Johr 2012 1000 Johr oolt worrn is, is en IAAF Hall of Fame inricht worrn. Dor warrt Athleten opnahmen, de nich mehr aktiv sünd un sik in jemehr aktive Loopbahn dör sünnere Leistungen uttekent hebbt. De Opnahm in de Hall of Fame gellt as de höchste Utteken vun den internatschonalen Lichtathletikverband.
Veranstalten
De IAAF organiseert verschedene Veranstalten:
- Lichtathletik-Weltmeesterschoppen
- Lichtathletik-Hallenweltmeesterschoppen
- Crossloop-Weltmeesterschoppen
- Halfmarathon-Weltmeesterschoppen (2006 un 2007 as Stratenloop-Weltmeesterschoppen utdragen)
- Lichtathletik-Weltcup
- Diamond League
Präsidenten
- Sigfrid Edström (Sweden) – 1912 bit 1946
- Lord Burghley (Grootbritannien) – 1946 bit 1976
- Adriaan Paulen (Nedderlannen) – 1976 bit 1981
- Primo Nebiolo (Italien) – 1981 bit 1999
- Lamine Diack (Senegal) – 1999 bit 2015
- Sebastian Coe (Senegal) – siet 2015
Kontinentalverbännen
- Confédération Africaine d’Athlétisme (CAA)
- Asian Athletics Association (AAA)
- European Athletic Association (EAA)
- North American, Central American and Caribbean Athletic Association (NACAC)
- Oceania Athletic Association (OAA)
- Confederación Sudamericana de Atletismo (CONSUDATLE)
Weblenken
Borns
This article uses material from the Wikipedia Plattdüütsch article World Athletics, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.