Thomas Südhof

Dezember">22. Dezember 1955 in Chöttingen) is en US-amerikaansch Biochemiker vun düütsch Afstammen, de in den Neurowetenschapen an dat Utforschen vun Synapsen arbeit, den zentraal Schaltstellen vun dat Nervensystems. He is Perfesser an der Stanford University un leit dor dat Südhof Laboratorium an de Medical School. 2013 wurr hüm gemeensam mit James Edward Rothman un Randy Wayne Schekman de Nobelpries för Physiologie oder Medizin tospraken.

Südhof is in Chöttingen un Hannober upwussen. Nah dat Abitur 1975 an de Waldorfschool in Hannober studeer Südhof Medizin an de RWTH Aachen, an de Harvard University un an de Universität Chöttingen. 1982 wurr he mit en Dissertatschoon över Struktur un Funktschoon vun de chromaffinen Zellen, in de in de Nebenniere de Hormone Adrenalin un Noradrenalin bildt wurrn, an Max-Planck-Institut für biophysikalische Chemie ünner Victor Percy Whittaker to'n Dr. med. promoveert. De Dissertatschoon droog den Titel Die biophysikalische Struktur der chromaffinen Granula im Lichte ihres Osmometerverhaltens und ihrer osmotischen Lyse. 1983 gung Südhof as Postdoc an de Afdeelen för Molekulargenetik vun dat University of Texas Southwestern Medical Center (UT Southwestern) in Dallas ünner de Leitung vun de latere Nobelpriesdräger Michael Stuart Brown und Joseph Leonard Goldstein. Dor gelung hüm de Kloneeren vun den LDL-Rezepter. He hett sück denn de Utforschen vun de molekulare Basis vun de Signalöverdragen in dat Nervensystem towendt un wurr 1991 Perfesser an de Fakultät för Molekulargenetik an de UT Southwestern. Insbesünnere hett he den Mechanismus vun dat Freesetten vun Neurotransmittern an Synapsen utforscht. Hüm gelung de Identifizeeren un Kloneeren vun en Reeg vun dorbi bedeeligt Proteinen. Tüschen 1995 un 1998 weer Südhof „Wissenschaftliches Mitglied“ vun de Max-Planck-Sellschop un Direkter an dat Max-Planck-Institut für experimentelle Medizin in Chöttingen. Ansluutend is he weer nah Dallas, Texas, torüchkehrt.

Een vun sien Forschensrebeeden is de Fraag, wu sück Synapsen in de embryonale Entwicklung vun dat Gehirn un later bi Lernvorgänge (synaptische Plastizität) billen un wu se spezifizeert sünd. Südhof forscht ferner över de Oorsaken vun neuronale Erkrankungen as Alzheimer, Parkinson-Krankheit, Schizophrenie, Angsttostännen un Autismus und über die Wirkung des Botulins up zellulärer un molekularer Basis.

2008 is Südhof an de Universität Stanford wesselt, wo he an de Medizinischen Fakultät Perfesser för Molekulare un Zelluläre Physiologie, Psychiatrie un Neurologie is.

In' Oktober 2013 kreeg Südhof gemeensam mit James Rothman un Randy Schekman den Nobelpries för Physiologie oder Medizin, wiel se „dör hör Opdecken dat hööchst präzise Steuerungssystem för den Transport un de Tostellen vun zellulär Fracht opdeckt hemm“ („Through their discoveries, Rothman, Schekman and Südhof have revealed the exquisitely precise control system for the transport and delivery of cellular cargo“).

Südhof is US-amerikaansch Staatsbörger.

• 1993 W. Alden Spencer Award der Columbia University (gemeensam mit Richard H. Scheller)
• 1994 Wilhelm Feldberg Award
• 1997 Roger Eckert Award Lecture, Chöttingen
• 1997 U.S. National Academy of Sciences Award in Molecular Biology (gemeensam mit Richard Scheller)
• 2002 Liddmaat vun de National Academy of Sciences vun de USA
• 2004 MetLife Award (gemeensam mit Roberto Malinow)
• Bristol-Myers Squibb Award for Distinguished Achievement in Neuroscience Research
• 2004 Ulf von Euler Award Lecture, Karolinska Institute
• 2007 Liddmaat vun dat U.S. Institute of Medicine
• 2008 Sir Bernard Katz Award, Biophysical Society (gemeensam mit Reinhard Jahn)
• 2008 Passano Award
• 2010 Kavli-Pries (gemeensam mit Richard Scheller un James Rothman)
• 2013 Albert Lasker Award for Basic Medical Research
• 2013 Nobelpries för Physiologie oder Medizin (gemeensam mit James Edward Rothman un Randy Wayne Schekman)

• Südhof, T.C.: The structure of the human synapsin I gene and protein. In: Journal of Biological Chemistry 265, 1990, 7849-7852.
• Brose, N., Petrenko, A.G., Südhof, T.C., and Jahn, R.: Synaptotagmin: A Ca2+ sensor on the synaptic vesicle surface. In: Science 256, 1992, 1021-1025.
• Ushkaryov, Y.A., Petrenko, A.G., Geppert, M., and Südhof, T.C.: Neurexins: Synaptic cell surface proteins related to the α-latrotoxin receptor and laminin. In: Science 257, 1992, 50-56.
• Geppert, M., Bolshakov, V.Y., Siegelbaum, S.A., Takei, K., De Camilli, P., Hammer, R.E., and Südhof, T.C.: The role of Rab3A in neurotransmitter release. In: Nature 369, 1994, 493-497.
• Geppert, M., Goda, Y., Hammer, R.E., Li, C., Rosahl, T.W., Stevens, C.F., and Südhof, T.C.: Synaptotagmin I: A major Ca2+ sensor for transmitter release at a central synapse. In: Cell 79, 1994, 717-727.
• Schoch, S., Castillo, P.E., Jo, T., Mukherjee, K., Geppert, M., Wang, Y., Schmitz, F., Malenka, R.C., and Südhof, T.C.: RIM1α forms a protein scaffold for regulating neurotransmitter release at the active zone. In: Nature 415, 2002, 321-326.
• Südhof, T.C.: Calcium control of neurotransmitter release. In: Cold Spring Harbor Perspectives in Biology. 4 (1), 2012

• Lebenslauf an der Stanford School of Medicine (engelsch)
• Howard Hughes Medical Institute Biography
• Howard Hughes Medical Institute Research Abstract
• Südhof Lab at the Stanford School of Medicine
• Biographie bi den Kavli-Pries
• Längere Autobiografie vun Südhof bi de Norweegsch Akademie vun de Wetenschapen