Staf Nees: Komponist un Musiker ut Belgien

Dezember">2. Dezember 1901 in Mechelen; † 25. Januar 1965 ok dor) weer en kathoolschen Komponist un Musiker ut Belgien. He hett sunnerlich Orgel un Klockenspeel speelt.

Staf Nees studeer in Mechelen an dat Konservatorium un an dat Lemmeninstitut, wo he 1924 to'n Lehrer beropen wurrn is. 1932 folg he sien Klockenspeel-Lehrer Jef Denyn as Stadsbeiaardier (anstellten Klockenspeel-Speler vun de Stadt) to Mechelen. 1944 is he Baas vun de dore Klockenspeel-School (Beiaardschool) wurrn. Unner sien Leit droff de Beiaardschool sik mit dat Prädikat königlich smücken un kreeg se to'n Öven dat Klockenspeel in den lüttjen Toorn vun den Hof van Busleyden. Bovenhen hett he unbannig veel unnernahmen as Orgelspeler, Chordirigent, Komponist un Lehrer an dat Lemmeninstitut. He hett Konzertreisen na unnerscheedliche Länner in Europa, na de USA un Kanada maakt. To siene Kompositschonen höört, blangen Warke for Beiaard, Orgel un Piano allerhand Leder to, ok Missen, Kantaten un Oratoriums (Simon Petrus, 1935; Maria-Oratorium, 1938). Dat Oratorium „Het bronzen hart“ (Dat Hart ut Bronze) vun Gaston Feremans is to sien Gedenken schreven wurrn. Dor hannelt sik dat um en Loffgesang up den Sint-Romboutstoorn (in Mechelen) un sien Klockenspeel bi. Staf Nees is de Vadder vun den Komponisten un Dirigenten Vic Nees.

For Klockenspeel

• Preludium in C
• Rhytmendans
• Inleiding, Lied en Fuga 'Gekwetst ben ik van binnen'
• Preludium Super Te Deum
• Suite voor beiaard
• Drie Pedaaloefeningen (1923)
• Toccata naar Alf. Mailly (1923)
• Variaties op "t Ros Beyaerd" (1929)
• Rondo in oude trant (1933)
• Menuet en Trio (1933)
• Studie in d (1933)
• Fantasia I (1933)
• Toccata, Lied en Fuga op 'Daar staat een klooster in Oostenrijk' (1937)
• Fantasia II (1945)
• Fantasia op oud-Nederlands kerstliederen (1949)
• Klokkendansje (1950)
• Preludium in G (1951)
• Fantasia (postludium) over "O Denneboom" (1951)
• Weemoed (klacht) (1954)
• Feestklokken (1956)
• Parafrase over een eigen St.Jozefslied (1964)

Oratoria

• Simon Petrus (1935)
• Maria-oratorium (1938)

• Mathieu Lenaerts: Staf Nees (1901 - 1965). Biografie, katalogus, analyses en synthese van zijn authenthieke beiaardwerken. Mechelen, Stad Mechelen, 1981. 167 p.

• Staf Nees in de Katalog vun de Deutsche Nationalbibliothek