Silvester

Silvester is in de Spraken in'n Westen de 31. Dezember, dat heet, de leste Dag vun't Johr in den Gregoriaanschen Klenner. De neegste Dag is denn Neejohr an'n 1. Januar vun dat tokamen Johr.

De Vörnaam Silvester kümmt ut de Latiensche Sprake. silva heet Woold oder Holt.

Dat Enne vun't Johr hefft al de olen Römers fiert. Dat eerste Mol passeer dat to'n Anfang vun dat Johr 153 v. Chr.. Dormols is de Anfang vun't Johr verschaven wurrn vun'n 1. März up den 1. Januar.

De Naam Silvester warrt for düssen Dag to'n eersten Mol 1582 bruukt. Dormols is bi de Reform vun'n Gregoriaanschen Klenner de leste Dag vun dat Johr verschaven wurrn vun'n 24. Dezember (So weer dat bit dorhen) up'n 31. Dezember. Dat weer nu aver de Dag vun den Dood vun Paavst Silvester I.. De weer storven an'n 31. Dezember 335. 813 hett düsse Dag denn ok den Naam vun den Paavst Silvester kregen, de midderwielen hillig spraken wurrn weer. De Schrievwiese Sylvester warrt woll faken bruukt, is avers doch verkehrt, jedenfalls in de Hoochdüütsche Sprake. In wecke Gegenden in Düütschland heet düsse Silvesterdag ok Ooltjohr. Besünners in de Gegenden wo Plattdütsch snackt waard, secht man "Ooltjohrsobend".