James Joseph Heckman

April">19. April 1944 in Chicago, Illinois) is en US-amerikaansch Ökonom. He is in en Vöroort van Denver upwussen, wo he ok de School besöcht hett. Hüm wurr 2000 gemeensam mit Daniel Little McFadden de Pries för Wertschaftswetenschapen vun de sweedsch Rieksbank in‘ Gedenken an Alfred Nobel för de Entwicklung van Theorien un Methoden to de Analysen van selektiv Steekprooven tospraaken.

Heckman hett Mathematik an dat Colorado College studeert un dat Studium 1965 mit en B.A. afslooten. 1971 kreeg he an de Princeton University sien Ph.D. in Volkswertschapslehre. Tonächst weer Heckman Dozent an de Columbia University; siet 1973 lehrt he an de University of Chicago. Neben sien Lehrstohl leit Heckman ok dat Economics Research Center as ok dat Center for Social Program Evaluation an de Irving B. Harris School of Public Policy. 2004 kreeg he en Roop up en Lehrstohl för Mikroökonometrie an dat University College London. 2006 hett hüm dat University College Dublin to’n Perfesser nömmt.

Heckman hett in de Mikroökonomie dat Entscheedungsverhollen van Personen, Huushollen un Ünnernehmen ünnersöcht. He hett en eenfack Verfohren to dat Erkennen un Beheeven van Fehlern un Fehlinterpretatschonen van Selektschonsperzessen entwickelt.

He schreev eenig Arbeiten över de Wirkung van Sozialprogrammen up Sellschopp un Wertschap; so hett he etwa de Ergevnisse van dat High/Scope Perry Preschool Project ünnersöcht, in den vergleeken wurr, welker Infloot en Vörschool up den lateren Levensweg hemm kann.

• 1983: John Bates Clark Medal
• 1985: Liddmaat van de American Academy of Arts and Sciences
• 1992: Liddmaat van de National Academy of Sciences
• 2000: Nobelpries för Wertschapswetenschapen tosommen mit Daniel Little McFadden
• 2014: Frisch-Medaille van de Econometric Society (mit Flavio Cunha un Susanne M. Schennach)
• 2016: Dan-David-Pries

• Sample selection bias as a specification error. Econometrica, 1979, S. 153–161.
• The common structure of statistical models of truncation, sample selection and limited dependent variables and a simple estimator for such models. Annals of Economic and Social Measurement, Volume 5, number 4. NBER, 1976. 475-492.
• The economics and econometrics of active labor market programs. (mit Robert J. LaLonde un Jeffrey A. Smith) Handbook of labor economics 3 (1999): 1865-2097.
• J. Heckman un A. Krueger (Herutgever): Inequality in America: What Role for Human Capital Policy?, MIT Press 2003}}
• Evaluating Human Capital Policy. Princeton University Press. (2004)
• Law and Employment: Lessons From Latin America and the Caribbean. University of Chicago Press. (2003)
• Incentives in Government Bureaucracies: Can Incentives in Bureaucracies Emulate Market Efficiency?. Brookings. (2004)
• Giving Kids a Fair Chance. MIT Press, Cambridge, Massachusetts, USA 2013, ISBN 978-0-262019132.

  James Joseph Heckman. Mehr Biller, Videos oder Audiodateien to’t Thema gifft dat bi Wiki Commons.

• Indrag bi de DNB
• James Heckman up de Sieden van den Nobelpries (engelsch)