Jacques-Joseph Champollion

Oktober">5. Oktober 1778 in Figeac; † 9. Mai 1867 in Fontainebleau) weer en franzöösch Archäoloog un Bibliothekar un de öllere Bröer vun den Ägytologen Jean-François Champollion. Nah de sien fröh Dood hett he völ vun de sien Warken herutgeven, to de he sülvst bidragen harr.

De Broers Champollion stammten ut eenfach Verhältnissen. Hör Vader Jacques Champollion (1744–1821) weer 1770 ut den Weiler La Roche in de franzööschAlpen nah Figeac in dat Département Lot trucken, wo sien acht Kinner boren wurrn. En Schoolutbillen kunn de Familie nich betallen, so wurr Jacques-Joseph Autodidakt un hett sien twalf Johr jüngeren Bröer dat Lesen un Schrieven bibrocht.

1812 wurr he to’n korrespondeerend Liddmaat vun de Chöttinger Akademie vun de Wetenschapen wählt. 1816 wurr he Perfesser för Oltgreeksch un Bibliothekar an de Universität Grenoble, verlor disse Stäe aber wegen sien Ünnerstütten vun Napoleon in de Herrschap vun de Hunnert Daag]. Van 1828 bit 1848 hett he in de Franzöösch Natschonalbibliothek in Paris arbeit un wurr Perfesser för Paläographie an de École des chartes. In de Revolutschon van 1848 verlor he ok disse Stäe, wurr aber 1849 Bibliothekar in dat Slott Fontainebleau. He hett mehrere philologische un historsche Böker schreeven un tallriek Arbeiten vun sien jüngere Bröer herutbrocht. He is in Fontainebleau storven un wurr up den Karkhoff dor bisett.

Sien Söhn Aimé-Louis (1812–1894) hett ok in de Natschonalbibliothek arbeit un hett en biographische Afhandlung över sien Familie ünner den Titel Les Deux Champollion (Grenoble, 1887) verfaat

• Antiquités de Grenoble ou Histoire ancienne de cette ville d’après ses monuments. Imprimerie de J. H. Peyronard, Grenoble 1807.
• Nouvelles recherches sur les patois ou idiomes vulgaires de la France et en particulier sur ceux du département de l’Isère. libraire et marchand de cartes, Goujon/ Paris 1809.
• Annales des Lagides, ou chronologie des rois grecs d’Égypte. imprimeur-libraire, Paris 1819.
• Nouvelles recherches sur la ville gauloise d’Uxellodunum, assiégée et prise par J. César, rédigées d’après l’examen des lieux et des fouilles récentes, et accompagnées de plans topographiques et de planches d’antiquités. imprimerie royale, Paris 1820.
• L’Égypte ancienne. Firmin-Didot, Paris 1839.

• Encyclopaedia Britannica. Eleventh Edition, 1910–1911.