Eric Frank Wieschaus
Eric Frank Wieschaus (* 8.
Juni">8. Juni 1947 in South Bend) is en US-amerikaansch Molekularbioloog un Entwicklungsbioloog, de 1995 den Nobelpries för Physiologie oder Medizin tospraaken kreegen hett.
Werdegang
Nah den Besöök vun en kathoolsch High School in Birmingham (Alabama) hett Wieschaus Biologie studeert, tonächst dicht bi sien Gebortsstadt an de University of Notre Dame un dornah in New Haven (Connecticut) an de Yale University. Nahdem he dor 1974 mit en Arbeit to de experimentellen Embryologie sien Doktertitel kriegen dee, hett he 1978 en Stäe an dat European Molecular Biology Laboratory (EMBL) in Heidelbarg antreeden. 1981 kehr he in de USA torüch un arbeit sietdem an de Princeton University in den Bundsstaat New Jersey.
En Swoorpunkt vun sien Arbeit wurr de Embryogenese vun de Daufleeg Drosophila melanogaster. För sien gemeensam Arbeiten mit Christiane Nüsslein-Volhard kreeg 1995 he mit hör un Edward Bok Lewis den Nobelpries för Physiologie oder Medizin. In dat sülvig Johr weer he mit de Genetics Society of America Medal uttekent wurrn, 1999 mit de Mendel Medal der Genetics Society. 2002 kreeg he de Keith R. Porter Lecture, 2011 wurr he in den Orden Pour le Mérite upnommen. Buterdem wurr he 1993 in de American Academy of Arts and Sciences, 1994 in de National Academy of Sciences un 1998 in de American Philosophical Society upnommen.
Literatur
- Gisela Baumgart: Wieschaus, Eric F. In: Werner E. Gerabek, Bernhard D. Haage, Gundolf Keil, Wolfgang Wegner (Hrsg.): Enzyklopädie Medizingeschichte. De Gruyter, Berlin/ New York 2005, ISBN 3-11-015714-4, S. 1494 f.
Weblinks
Enkeld Nahwiesen
This article uses material from the Wikipedia Plattdüütsch article Eric Frank Wieschaus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.