Douglas Dean Osheroff (* 1.
August">1. August 1945 in Aberdeen, Washington) is en US-amerikaansch Physiker. He kreeg 1996 den Nobelpries för Physik.
1973 hett he sien Doktertitel in Physik an de Cornell-Universität in Ithaca maakt. To Tiet is he Physikperfesser an de Stanford-Universität in Kalifornien. Bi de Forschung an magnetisch Eegenschapen vun fast Helium-3 hett he tofällig de suprafluide Phase (wedderstandslos Strömen) bi düchtig deep Temperaturen (ünner 0,5 Kelvin) opdeckt. För dit Opdecken kreeg he 1996 tosommen mit David Morris Lee un Robert Coleman Richardson den Nobelpries för Physik. Disse dree Wetenschapler hebbt bi hör Experiment en neeordig Köhlmethode bruukt, bi de Helium-3 ünnerhalv vun 0,3 Kelvin dör Anwennen vun Druck noch wieder afköhlen lett. Dat markeer en Dörbröök in de Deeptemperaturphysik.
As vör hüm Richard Phillips Feynman bi de Challenger-Katastroph, wurr he as Nobelpriesdräger in de Ünnersökenskommission to dat Columbia-Unglück beropen. Ähnlich as Feynman kritiseer he de Vörgahnswies vun de NASA. Dorbi kunn he in Versöök in sien Köken Probleme vun de Ummantelung vun dat Shuttle nahwiesen.
1981 weer he MacArthur Fellow.
This article uses material from the Wikipedia Plattdüütsch article Douglas Dean Osheroff, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.