Singraven: Landgood in de twentske gemeynde Dinkelland

Nöäst de havesate höyret der ouk de watermöäle van Singraven (1448), en kuutshuus (1868) un en paar pachtbuurderyen by.

Singraven steyt vöär et eyrst in de böker in 1381. Et eyrste Huus Singraven stamt van 1415. De name Singraven bedüdt grouten graven. Under anderen hebbet der de oldensaelske Begynen un de Graeven van Bentem ewoand. Dårnå vervöl et huus töt ne bråke. Tüsken 1651 un 1653 wör et afebröäken. Der küm en ny huus, un 1661 wör der noch nen trappentoren by anbouwd. Et huus güng van hande töt hande. De family De Thouars deaden et in 1829 verkoupen an de family Roessingh Udink. Dår hebbet meyrdere generatys der heyl wat an låten verbreaken un upeknapped. Den geavel wör veer meter når vöärden esat, de bouwhüse an de vöärkante vord ehaald vöär en vryer uutsicht un in 1868 küm der ne groute uprydlane vanaf de Ootmörskesestråte up et huus an elegd.

Den lätsten vasten bewoaner, Willem Frederik Jan Laan (1891 - 1966), löät der in syn leaven ouk heyl wat an verslöätelen. Hee gavven et uutendelik an de Stichting Edwina van Heek, med as vöärwaerde dat allens wat hee der an veranderd hevt, sou müt blyvenː den neoklassiken vöärgeavel, et arboretum un de stylkamers in Lodewyk XV- un Lodewyk XVI-styl.

• 
  Singraven van böäventen
• 
  Watermöäle van Singraven
• 
  Singravens stuw

• De watermöäle van Singraven hevt dree waterrader dee verskeidene möälen andryvetː ne öälymöäle, korenmöäle un de latere holtsagerye.
• Singraven un dan vöäral de watermöälen wörden vake skilderd döär Meindert Hobbema (syn wark 'Moulin à Eau' wat in et Louvre hangt byvöärbeald) en Jacob van Ruisdael.
• Seyd at de nunnen der vord sint sol et der spouken: der geyt noch ne geyst van ne nunne rund. See was inemetseld un estörven. A'j ne treft, kümt der weinig goods van.