Sark
t Eilaand Sark is ien van de Kanaoleilaanden an de Fraanse kust van Normandië, en beheurt tot t autonome baljuwskop Guernsey, n Brits Kroonbezit, mar het n eigen regeringsvorm en eigen bestuur.
De Fraanse naeme veur t eilaand is Sercq, of in t oolde Sarks-Fraans Sèr.
Sark is n rustig eilaand waor gien motorvoertugen kommen maggen. De plaetselike bevolking ommezeilt t verbod deur trekkers te gebruken as vervoersmiddel. Veerder worden de fietse en peerd en waegen bruukt. Der wonen zoe'n 600 luden op Sark. De ekonomie is baseerd op t toerisme en de laandbouw.
Der is amperan verlochting op t eilaand waordeur je goed de steerns kunnen bekieken zonder da'j last hebben van lochtversmering. t Eilaand wordde in 2011 uutreupen tot de eerste Dark Sky Community, deur de International Dark-Sky Association. Sark het ok n vuurtoren Point Robert, mar die schient allienig over zee.
Sark het gien polisie, t recht wordt daor deur vri'jwilligers in de haand hoolden. As der iene oppakt wordt, dan wordt e in n sel opsleuten die der al sund 1856 staot, daornao wordt e ophaeld deur de polisie van Guernsey.
Elk jaor wordt op t eilaand t Sark Folk Festival hoolden.
Foto-uutstalling
- Ploatjes van Sark
-
verbinding tussen little en great Sark -
postkantoor van Sark -
hotel op Sark -
vervoer op Sark -
de natuur -
de hoaven
 | Dit artikel is skreaven in et stellingwarvsk. |
This article uses material from the Wikipedia Nedersaksisch article Sark, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.