t Peerd van Ome Loeks kìn zain worden as ain van de symbolen van Stad.
t Beeld het zien bestoan te daanken aan n Grunnegs vôlkswiesje mit de zölfde titel. t Beeld staait veur t statsion van Stad.
Over t Peerd van Ome Loeks bestaait n laidje mit de onderstoande tekst. De melodie is t zölfde as dat van t Sunterkloaslaidje "Daar wordt aan de deur geklopt". t Laidje stamt oet sikkom 1900 en is n vertoalen van n Duuts studìntenlaidje.
Peerd van Ome Loeks is dood, Loeks is dood, Loeks is dood,
Peerd van Ome Loeks is dood, hartstikke dood.
Guster nog goud gezond, sluig e mit steert in t rond
Peerd van Ome Loeks is dood, hartstikke dood.
Peerd van Ome Loeks is dood, Loeks is dood, Loeks is dood,
Peerd van Ome Loeks is dood, hartstikke dood.
Haar k hom moar vreten geven, din was t wel in leven bleven.
Peerd van Ome Loeks is dood, hartstikke dood.
De regel "hartstikke dood" wordt ook wel zongen as "hailendal dood".
Commons: Peerd van Ome Loeks - plaatjes, filmkes en/of gelüüdsbestanden. |
Dit artikel is skreaven in et grönningsk. |
This article uses material from the Wikipedia Nedersaksisch article Peerd van Ome Loeks, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.