Salsa
Salsa is ne muziekstiel oet t Karibies gebeed, vuurnamelik Kuba, en is vuural geleefd in Latiens-Amerikaanse laandn.
Salsa wörd ekenmoarkt duur de trompetn, skoeftrompetn en saxofoons dee't synkopaties spölt, woerbie't vuural de skoeftrompetn belangriek beent. Wieters is salsa te herkenn an de arpeggieerde en ook synkopeerde pianomellodie.
.jpg)
Salsa hef ne spesjale clave, n ritmies figuur woerop de muzikaantn en daansers zik köant richtn. n Aander richtpeunt is de koobelle, den't op n tel wörd bespöld.
Salsa steet kort bie aandere Zuud-Amerikaanse stieln zo as merengue, bachata en chachacha.
Instrumeantn
Gebroekte instrumeantn vuur t spöln van salsa beent bloasinstrumeantn (trompetn, skoeftrompetn en saxofoons), snoarinstrumeantn (Kontrabas, gitaar en piano) en verskeaidene slagwoarkinstrumeantn, zo as ne koobelle, timbaaln, kongaas, bongoos, guiro en claves.
Ritme
Salsamuziek is aait in veerkwartsmoate. t Slagwoark spölt verskilnde ritmiese patroonn duur mekoar, mer t claveritme ligt dr aait oonder. Alle salsamuziek en -daans richet zik op t claveritme. t Meestgebroekte claveritme is de zogeneumde son clave, den't oawer acht achtsten zowal in 2-3 as 3-2 stiel espöld kan wordn.
| 2–3 clave | 3–2 clave |
|---|---|
| 1.2.3.4.5.6.7.8. | 1.2.3.4.5.6.7.8. |
| ..*.*...*..*..*. | *..*..*...*.*... |
Bekeande ärtieste
- Celia Cruz
- Johnny Pacheco
- VIctor Manuel
- Tito Puente
This article uses material from the Wikipedia Nedersaksisch article Salsa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.