Noord-Carolina
Noord-Carolina (sprek oet: noord kärre-LAI-na of noord ka-ro-li-na, Engels: North Carolina) is ne stoat in t zuudwesten van de Verenigde Stoaten.
Op t zuden van de stoat lignt de stoaten Zuud-Carolina en Georgia, op t westen ligt Tennessee en op t noorden ligt Virginia. Op t oosten ligt n Atlantiesen Oceaan. Noord-Carolina besteet oet 100 groafskoppen (counties). De heuwdstad is Raleigh en de grötste stad is Charlotte.
Noord-Carolina was ene van de originele Britse Darteen Kolonies, en heten eerst de Proveensie Carolina. Skoonwal, de eersten dee't der bouwen warren Spaanse kolonietroepen, dee't der Fort San Juan toozatten in 1567. Dit was bie Joara, n gebeed van n indiaansen Mississippistam, kort bie t hudige Morganton in t westelike binnenlaand van de stoat. Dit was twentig joar vúúrdet de Britten kömmen met öare eerste kolonie bie Roanoke Island in öare poging ne neerzetting te bouwen in Amerika.
Op 20 mei 1861 verkloarden zik Noord-Carolina onofhaankelik van de Konfederasiestoaten um de Amerikaanse Börgeroorlog, en treu wier too op n 4den juli van 1868.
Noord-Carolina was de plek woer't n eersten succesvollen vlocht met n vleegtuug plaatsveund duur de Wrightbreurs op 17 december 1903. Rechtevoort gröait de stoat onmeundig hard. Op 1 juli 2009 har de stoat ongevear 9.380.844 inwonner (ne tooname van 16,7% seend 2000). Met 8 Inheemse stämme hef Noord-Carolina t grötste antal Inheemsen van alle stoaten ten oosten van de Mississippirivier.
Noord-Carolina hef n groot heugteverskil, van zeespegelheugte an de kuste, töt 2.037 meter heugte in de boargen. De vlaktes bie de kust wordt beïnvloedt duur n atlantiesen Oceaan. t Grötste deel van de stoat vaalt in t vochtige subtropiese klimaat. t Westelike boargachtige deel van de stoat, 500 kilometer oet de kuste, hef n subtropies hooglaandklimaat.
Oetgoande verbeendiges
| Bronnen / wellen: |
| Verenigde Staoten van Amerika |  | |||||
|---|---|---|---|---|---|---|
|
This article uses material from the Wikipedia Nedersaksisch article Noord-Carolina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.