Gouverneur

Et kan ok et heufd van ne organisasie of instelling waen, zoas den gouverneur van de centroale bank.

Et weurd gouverneur kump van et Griekse weurd gubernator (Latien: praefect). In et olde Rome was nen gouverneur nen functionoaris belast met et bestuur van ne Romeinse previnsie. Tiedens den Romeinse Republiek waren dizze gouverneurs mangs eerst konsul of praetor ewest, woarnoa zie ne previnsie kreggen too-ewaezen woarin zie geld, roem en/of macht konden vergoaren. Tiedens et Keizerriek wödden previnsies bestuurd deur nen legatus. De belangriekste taken van nen gouverneur waren et heffen van belastingen, et toozicht holden op lokale rieksuutgaven, et leiding gaeven an de lokalen soldaoten en et uutoefenen van et Romeinse recht.

Binnen et Könninkriek der Nederlaanden hebt de laanden Aruba en de Nederlandse Antillen ieder nen gouverneur as verteggenweurdiger van de könningin en zaakwoarnemmer van de Könninkrieksregiering.
De andere previnsies hadden tot an de groandwetsherzeening in 1848 nen gouverneur. Vanof dee tied neumt zi-j de toakuutvoering Commissoaris van de Könningin of van den Könning. Den Commissoaris van de Könningin van de Nederlandse previnsie Limburg is gin gouverneur moar wödt zo nog wal eneumd. Tot wiet in de 19de eeuwe was dit ok et geval veur de Nederlandse previnsie Noord-Braobant.

Gouverneurs van vandage

• Nederlandse Antillen: Frits Goedgedrag
• Aruba: Fredis Refunjol