Dreeleihaorige Kat

De kleur wit wort veroorzaakt deur een bepaolde gen dat derveur zurgt dat katten witte haoren in der vacht hen, vaak ziet 't der dan uut as een soort vlekkepetroen. Waor disse gen niet actief is, het de kat dan een are kleur. Bie dreeleihaorige katten is der gien gen anwezig dat derveur zurgt dat de kat drie kleuren tegeliek het: wit, zwart en een bietjen een bruunachtige kleur. Wel bestaot der een gen dat de keus veur die bruunachtige of geelachtig-rooie kleur bepaolt, en een gen dat kiest veur zwart. Disse genen bin ekoppeld an 't X-chromesoom. Wiefjeskatten hen van dit X-chromesoom twee exemplaren, en dit verklaort oek waorum de twee kleuren bruun en zwart naost mekaar veurkommen. In 't kattenembryo wort nao verloop van tied van elk paor X-chromesomen der één inactief; 't actieve chromesoom bepaolt noen de kleur. Deze kleurfactoren zullen vaak eclusterd optrejen; veul gelieksoortige chromesomen naost mekaar veroorzaken dan een kleurevlek, dat of zwart of bruun is.

Disse pagina is eschreven in 't Putters