Dirigeant
Nen dirigeant is n persoon den at vuur muziekgroepn steet en de muzikale leaidige hef.
Doarbie gef'e de moate an met behulp van n dirigeerstökn, of gewoon met de haande. Hee wörd doarumme in t Tweants ook wal es lacherig "zweeiebaas" of "-kearl" eneumd, en t dirigeern op dee manere ook wal "(vuur)zweein".
Dirigeantn stoat meesttieds vuur stilzitnde groepn zo as harmonieorkestn en symfonieorkestn. Ze hebt n oawerzicht van alle instrumeantpartiejn vuur zik (de partituur) woerduur at ze alle muzikaantn in de gaatn köant hooldn met wat dee spölt. Op dee manere kan nen dirigeant ook zinne eegne dreei an n muziekstukke geewn (interpreteern), duur de muzikaantn tiedns t oefenn dudelik te maakn wodöanig at hee gearne wil det ze bepoalde gedeeltes spölt. Tiedns t spöln kan'e det ook doon met haandgebaarn, gezichtsoetdrukkings en lichaamshoolding.
Dirigeantn dee at vuur n muziekkorps stoat en ook zelf metloopt wordt ook wal Tamboer-maitre eneumd, en bie de wat Amerikaansere korpsn de Drum Major.
Zeet ook
- Tamboer-Maitre
- Drum Major
This article uses material from the Wikipedia Nedersaksisch article Dirigeant, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.