Birken bin bomen die tot 't geslacht Betula heuren.
't Geslacht birk umvat oengeveer daartig soorten, die verspreid over 't noordelijk halfroend veurkommen. De bomen van dit geslacht bin uterst wienterhard. Ze bin de enigste inheemse boomsoorten op Greunland en Iesland. Björk is birk in 't Ieslands. De birk is een echte pioniersplant.
Kenmarkend veur de birk is 't in horizontaole banden bluisteren van de bast op de stam. De nieje bast is soms wit, mar kan ofhankelijk van de soort oek rood of zoas bie de meeste soorten bruun wezen.
De mannelijke bleuiwieze van birken het gele, hangende rupsvormige katjes, die al veur de wienter anwezig bin. De staonde vrouwelijke bleuiwiezen oenderan de mannelijke bleuiwiezen bin mit knopschubben umgeven. De vrucht is een klein dubbel-evleugeld noetjen.
Birken hen véúr en bie 't uutkommen van 't blad een iezig staarke sapstroming en kunnen daorum alleen 's harests en 's wienters esneuid worren.
In Nederland bin alleen de ruge birk en de zachte birk inheems.
Disse pagina is eschreven in 't Putters |
This article uses material from the Wikipedia Nedersaksisch article Birk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.