Мах
Мах (ма́хил, ма́хал) — Махилал (Betulaceae) хъизамулIе унел тIабортулел гъутIбузулги хъархъазулги сибтI.
ГIатIидго мах тIибитIун буго Шималияб гьемисфералда; Россиялъул ракьазда буго гьеб бищун гIемер. ГIаммго букIине бегьула нусго яги гьелдаса цодагьалъ цIикIкIун регIал. ГIемерисел махил регIал тIиритIун ун руго, гьел ккола рохьлIугьинабулеб жадаб брид (гIур.: порода).
Махил бутIаби хIалтIизарула къайи-цIелI: цIул, макъар, махистIа (махил макърал тIасияб тIала), махил лъинча. ТIаби ги тIанхал медициналда хIалтIизарула: тIанхазулги тIабазулги релъ гьекъола бактериял чIвавуе, кIващтIагIуе, ругънал ракъвавуе, цIа нахъекьабуе, цинги махил тIабазул экстракт хIалтIизабула тIомол лъилъуе. Цо-цо махил регIал хIалтIизарула хурзалцIунуе гIоло, цинги декоративияб ахихъанлъулI.
Цо-цо миллатазул културазда (славазул, скандинавал, финно-угорал) махие кьола аслияб мес.
Этимология
Латинаб сибтIулаб цIар галл мацIалдаса (хвараб келтазул мацI) бачIараб ккола.
Авараб «мах» абураб рагIи лIугьана инскавказияб *mħĕrqwĕ ( ~ -ʕ-, -ɨ̆) кьолболIан (гьенисанго рачIана лак. мархъ «тIохокь лъолел хIубал», дарг. махъ, дарг. чирахъ. махъв «мах, махигъветI», таб. мурхлун гьар, криз., будух. мерх «мах, махигъветI»).
This article uses material from the Wikipedia Авар article Мах, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент рагьараб буго CC BY-SA 4.0 лицензиялда гъоркь, цогидаб бихьизабун гьечӀони. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Авар (DUHOCTRUNGQUOC.VN) is an independent company and has no affiliation with Wiki Foundation.