Réteca

Varianti esistenti: Arecheta (Napulitano) - Pelléj (Mulisane) -

La réteca /'reːtəka/ è n'èrva e la famiglia e le Lamiaceae.

Réteca
Réteca scerita
Crassifecazzione scientìfeca
Dëminië	Eukaryota
Regn	Plantae
Sottërègn	Tracheobionta
Dëvësion	Magnoliophyta
Class	Magnoliopsida
Órdënë	Lamiales
Famiglia	Lamiaceae
Jènërë	Origanum
Spèc	O. vulgare
Nommenclatura binommiale
Origanum vulgare L., 1753
Nòmë chëmun
Réteca

O. humile Mill.

• récchena (Settefrate);
• réchena (Galleniare, Pescenische).

È n'èrva prènne che tè na rádeca che štriscia é d'addó náscene tanda pèdeche, spisse culecate ndèrra ch'apuó z'alliérene, ávete da 25 a 90 cm é tòšte sott'a tutte, che sezzione quadrata, de chelore resciaštre é rechepèrte da na fota pelama.

Gle sciuore suó ròsa purpuree é sceríscene a giugne-settiémbre.

Crésce da l'Euròpa a gle Giappone, a le zzòne pretose é sécche.

Cucina

Le cime scerite ze fave a matte, z'assúcane a la mbréa é ze repónnene dénd'a le vásera. Siérvene pe nzaperì pizza, pésce, patane, casce, pemmaròle, sottuogle, sottacite é lequore.

La réteca fa parte de gle munne femmenile. Na vòta le fémmene la chiandávane nen sule pe l'addeprà a la cucina, ma pecché la cunzederávane n'abbetine. La ze rialava a le uagliòle ca évene patute na delesione d'amore, pe le fà repeglià ne ccone. Ze penzava ca quanne ze seccava dénd'a gl'uorte, pène d'amore arrevàvane sènza méne.