'O Giappone (日本 Nihon o Nippon, ufficialmente 日本国 Nihon-koku o Nippon-koku) è na nazzione nsulare 'e ll'Asia Orientale.
Situato 'int'a ll'oceano Pacifeco, se truova a ll'est d''a Cina, Corea e Russia. S'allunga d''o Mare 'e Okhotsk ô nord nfino ô Mar Cinese Meridionale ô sudd. 'E carattere ca cumpongono 'o nomme d''o Giappone significano litteralmente "Origine d''o sole", perciò 'o Giappone ê vvote è canosciuto comme «Paise d''o Sol Levante», nu nomme ca deriva d''a pusizione orientale d''o paiso rispetto â Cina. 'A capitale soja e cità prencepale è Tōkyō.
Fumio Kishida (岸田 文雄) è 'o Primmo Menisto d''o Giappone, e Naruhito (徳仁) è 'o mperatore.
Giugraficamente, 'o Giappone accupa n'arcipelago assaje montagnoso e vurcaneco. 'O Munte Fuji è 'o vurcano cchiú mpurtante. Cità mpurtante, a parte 'a capitale Tōkyō songo Ōsaka, Kyōto e Yokohama.
'O Giappone è una d''e putenze economiche cchiú mpurtante d''o munno e è creditore cchiú mpurtante d''o munno. 'O Giappone tene 'o tierz PIL cchiú auto aroppo l'America e a Cina.
'O Giappone è storicamente ncentrato ngopp'â fiura d''o tennō (mperatore), ca pe 'e giapponese è na criatura semi-divina. 'O 5 'e aùsto 1945 'a cità 'e Hiroshima è bommiata 'a ll'aviazzione mmericana cu 'a primma bomma atomeca. È 'a fine d''o putere mperiale. D''a fine d''a sicunna guerra munniale tene sulo na funzione 'e rappresentanza.
This article uses material from the Wikipedia Nnapulitano article Giappone, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.