Mahmud Ahmadinejad

Fuje 'o sesto Presiriente d"a Repubbreca Islameca 'e ll'Iran d"o 3 'e aùsto 2005 ô 3 'e aùsto 2013.

Mahmud Ahmadinejad
6º Presiriente d"a Repubbreca Islameca 'e ll'Iran
Durata mannato	3 'e aùsto 2005 – 3 'e aùsto 2013
Predecessore	Mohammad Khatami
Successore	Hassan Rouhani
Date generale
Partito puliteco	Alleanza d"e Costrutture 'e ll'Iran islameco
Titulo 'e sturio	Master of Science in Engineering
Uneverzetà	Uneverzetà Iraniana 'e Scienzie e Tecnologgia
Prufessione	Puliteco
Firma

Aropp'o primmo mannato, Ahmadinejad ô 2009 vene rijeletto Presiriente, aroppo n' elezzione assaje cumbattuta.

Isso accocchia quase 'o 65% d"e vote, ma 'sta vittoria vene assaje cuntestata d"e sustenitore d"o candidato moderato Mussavi. 'A frase "Where Is My Vote?" (Addo Stà 'o Voto d"o Mijo?) addeventa 'o simbolo d"a prutesta.

Ma, pure grazzjie ô vulere 'e ll'Ayatollah, Ahmadinejad rimmane ô posto suojo, pe'tramente ca migliare 'e cristiane menefestano mmiez'e vije 'e ll'Iran a vuluntà e fà ll'elezzione tutte d"o capo.

Ahmadinejād è stato sinnaco 'e Teheran d"o 3 'e majo 2003 fin'o 28 'e giugno 2005, isso è cunziderato nu cunzervatore religgioso; primma d'addeventà sinnaco isso era 'ngegnere civile e nu pruffessore a ll'Uneverzetà Iraniana 'e Scienzie e Tecnologgia.

Politicamente, è nu membro d"o Cunziglio Centrale 'e ll'Ngegnere d"a Suggità Islameca, ma tene na base puliteca assaje cchiú putente dint'a ll'Alleanza d"e Costrutture 'e ll'Iran islameco. Ll'alleanza se spartette ô mumento d"e primm'elezzione d"o 2005 sustenenno isso e Mohammad Bagher Ghalibaf ma, pure si 'e membre d"o Cunziglio Cittadino 'e Teheran appujevano Ahmadinejād, e rappresentante parlamentare 'e Teheran vutavano a Ghalibaf.

Primma d'isso:	Presiriente 'e ll'Iran	Doppo d'isso:
Mohammad Khatami	3 'e aùsto 2005 - 3 'e aùsto 2013	Hassan Rouhani