Londra (ngrese: London) è 'a capitale e cità cchiù grossa d'a Ngreterra e d'a Gran Vretagna, cu 7.556.900 pperzone. 'A cità sta 'o sud r'a Ngreterra d'a quale issa stessa rapprisenta na riggione, è saputa pùre comme 'a "Granda Londra" (Greater London).
'A cità fuje funnata p'e rummane cu 'o nomme latino 'e Londinium. Dint'o Medioevo Londra addiventaje sempe cchiù mpurtante e accussì mano mano ca crisceva l'impero culuniale vretanneco. Int'o 1666 'a City ('o centro storico) fuje distrutta pe n'incendio ma essa arricrescette e durante a l'industrializzazione d'o XVIII e XIX seculo criscette rapidamente pe dimenzione e populazzione fi a deventà 'a cchìu gruossa cità d'o munno anfi a ll'inizio e 'a mità d'ô XX seculo.
Londra, ca è a cchiù grossa pe populazione e l'Unione Europea, se trova 'o sud d'a Ngretterra, spartuta ammiezzo da 'o sciumme Tamigge. Cunfine cu 'e reggione ngrese d'o Sud Est e de l' Est d'a Ngreterra. L'area urbana londinese conta paricchie cità, 'e cchiù grosse d'e quali songo Watford, Slough, St. Albans, Hemel Hempstead, Gravesend, Staines, Weybridge, Hartford, Woking, Windsor, Guildford, Sevenoaks, Dartford e Shenfield.
Londra s'addivide pe 33 distretti (Boroughs):
A livello 'e traspuorte Londra po cuntà ngopp'a na rete estesa r'autobus, una piccerella 'e angora perifereca 'e tram ma prencepalmente ngopp'a na grossa rete 'e metropolitana (Underground o Tube), 'a cchiù vecchia d'o munno. Cu 414 km e 13 linie è una d'e cchiù grosse e recentemente ha avuto 'a jonta d'a Overground, na serie 'e linee 'e superficie ngopp'i tracciati d'e ferrovie naziunale.
A livello 'e ferrovia naziunale (British Railways) tene na grossa estenzione 'e linee cu parecchie stazzione terminale ind'o centro cittadino, comme per esempio Waterloo, King's Cross, St. Pancras, Victoria, Paddington, Euston, Liverpool Street etc.
Cuperta ra na grossa rete 'e autostrade cu pure n'aniello 'e raccordo 'a cità conta 'a bellezza 'e 5 aeropuorti, coccheruno situato pure paricchio fori d'a città. Issi songo Heathrow, Gatwick (a Crawley), Stansted (a Uttlesford), Luton (a Luton) e City (o cchiù centrale). Ati aeropuorti songo Southend (a Southend on Sea), Biggin Hill, Ashforf (a-t-Ashford) e Oxford (a Oxford).
|
|
|
This article uses material from the Wikipedia Nnapulitano article Londra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.